- 23 -
De hear Bouma seit dat syn fraksje wol düdlik west hast as it
giet om de fraach hoet mei it bestjoersplan omgien wurde moat.
\:ei it fêststellen moat der sa gau mooglik mei de ütwurking
begún wurde. De diskusje oer it oanpassen fan'e bestjoersorganen
komt noch. It soe wol goed weze ynsjoch te hawwen yn it tal
amtners, vn ferbân mei wat it C.D.A. sein hat oer de ütsetting
fan'e salarispost en wat der yn it G.0. bepraten is oer it
ferdwinen fan in tal funksjes. It toeristysk-rekreatyf plan is
noch hyltiten net makke, hoewol't der ferskate kearen op oan-
trune is. Foar guon doarpen binne al dielplannen makke, dy't
meinommen wurde kinne yn it grutte plan.
Syn fraksje giet akkoart mei de moasje, al liket it plan fan'e
fakbûnen him in utopy.
De hear Van der Baan konstatearret dat der fanüt it noarden wei
noch gjin düdlike fisy op'e takomst is. Op in fakbûnsgearkomste
fan Noard-Nederlân en Noard-Dutslân koe men dat ek fernimme.
Hy fynt it spitich dat it kolleezje by it opnimmen fan it kul-
tueroanbod yn üs gemeente hingjen bliuwt by de doarpen en de
beskermde doarpsgesichten. Kultuer is folie mear. It hat te
meitsjen mei üssels, üs histoarje.de taal, de monuminten en mu
sea. Al dy saken soene ynventarisearre wurde moatte en dér so
wat mei dien wurde moatte.
Yn it foarste plak sil yn it bestjoersplan in haadstik komme
moatte mei dêryn dellein de basis fan üs bestean: de taal en de
kultuer.
Hy is skrokken fan de wurden fan'e wethâlder dat yn de besuni-
gings foar it sos j aal-kulturele wurk der fraksjes wiene dy't
konstruktyf meitocht hawwe. Wêr is de ferantwurdlikheid fan'e
wethâlder yn dizzen. De wethâlder hie der dochs foar soargje
moatten dat syn eigen portefeuille net troch dizze besunigings
oantaast waard. De posten dêr't it om giet binne sa minimaal, dy
moatte gewoan bestean bliuwe. As dizze weardefolle saken by de
boargers weihelle wurde kin it gjin kant üt dat de belestings
ferhege wurde.
Der bestiet noch altiten in kommisje taalbelied. Dy kommisje
sliept. Der is in plan klear en dat soe sa üt'e kast helle wurde
kinne en gean as kommisje dér wer mei oan'e gong.
Hy makket him soargen oer it grutte omtinken dat der is foar de
lytse posten, wylst oan'e oare kant de ried gjin grip hat op'e
miljoeneposten. Benammen de posten by romtlike oardening. Hy
stelt foar fanüt de ried in finansjele kommisje te beneamen dy't
dy posten neirint mei saakkundige help en besjocht yn hoefiere
dizze posten ek nei ûnderen kinne.
It is net needsaaklik f 15000,00 te besteegjen foar in plan foar
it handikaptenbelied. Lju üt it fermidden fan'e handikapten seis
kinne hiel wat wurk dwaan en kom mei ütstellen nei de ried ta.
Der binne tal fan minsken dy't har ynsette wolle foar in goed
handikaptenbelied. Dit soe in goed foarbyld der fan wêze dat
mear saken nei de boargers ta brocht wurde moatte, sa't yn it
bestjoersplan neamd wurdt.
