- 24 -
Hy kin him yntinke dat der in moasje oer it fabryk yn Wergea ta
stân komt. It effekt fan de moasje sil lykwols net wêze wat de
moasje suggerearretIt gefaar fan'e moasje is wol dat de saak
yn'e suvelwrâld heger oprinne sil. Oan'e oare kant, de moasje
bringt ek it gefoel fan solidariteit ta utering. Hy tinkt dat de
moasje ta doel hawwe moat om de partijen oan te trunen meielkoar
in oplossing te finen. Hy hat mei dizze moasje dochs wat it
gefoel dat we achter de feiten oanrinne.
Hy fynt dat it kolleezje der tenei foar soargje moat dat der it
goede en direkte kontakt mei de ündernimmers is. Der binne mear
bedriuwen yn'e gemeente mei problemen. Der binne ek ündernimmers
mei nije projekten dwaande. Fan alle kanten binne oare gemeenten
dwaande om dy nije projekten nei har ta te heljen. It it fan it
grutste belang dat de kontakten mei de ündernimmers sterker
wurde. Akwisysje yn'e gemeente is effektiver. Hy wol lykas it
C.D.A. de fjirde alinea weilitte.
De hear Renia is bliid dat it kolleezje direkt tasein hat dat yn
it ramt fan it minimabelied prikken yn it wurk steld wurde sil-
le. It wurdt heech tiid. Benammen troch it stigen fan wenlesten,
reinigingsrjochten ensafuorthinne bedarje minsken tusken wâl en
skip.
Hy is ek bliid mei de tasizzing dat de reorganisaasje ynkoarten
syn beslach krije sil.
Mei de F.N.P. mist hy it haadstik: de minske en syn kultuer yn
it bestjoersplan. Dêrmei ademt it bestjoersplan dochs in bytsje
de geast fan it materialisme. Hy giet dermei akkoart dat der in
notysje oangeande it grutte skala fan kulturele uteringsfoarmen
komt
Eins hie de sportnota der al wêze moatten. It is dêrom in hiele
goede saak dat dy nota der no gau komt. De sportried wol om'e
tafel
Hy is ek benijd nei it totale listke fan begjin 1993 mei it plan
fan oanpak en it tiidskema, fansels rekken hâldend mei de moog-
likheden dy't it apparaat hat.
Mei it jild foar it toeristysk-rekreatyf aksjeplan moatte goede
dingen dien wurde. Hy hopet ynkoarten te hearren hoe't ien en
oar opset wurde sil, fansels yn oerlis mei de oanbelangjenden.
Itselde jildt foar de wurkgelegenheidsnota. Hoe wurdt bygelyks
tsjin akwisysje en kontakt mei bedriuwen oansjoen. Neffens him
rint dat op dit stuit net goed.
It totaalpakket fan foarsjennings op sosjaal-kuktureel mêd mei
it jild dat derby leit moat noris goed op in rychje setten
wurde. Krekt sa as yndertiid mei de musykskoalle ek bard is.
Troch iepen en earlik te praten is der op prioriteitsbasis grif
in goede oplossing te finen.
Yn de beantwurding hat hy mist it omtinken foar flechtlingen,
asylsikers, freonskipsbannen en minsken dy't holpen wurde
moatte
It C.D.A. hat op syn ütstel oangeande it bestj oersplan 8 ton
struktureel foar wegen opnommen en yn it earste jier ek nochris
6 ton foar fytspaden. De 1,2 miljoen fan'e Wet Uitkeringen Wegen
is dêrmei al mear dan op.
Hy stelt út om de alinea's wêr't C.D.A. en F.N.P. muoite mei
hawwe te wizigjen. Fan'e tredde alinea wol hy dan meitsje:
-heeft kennis genomen van de voorstellen van onder andere de vak
bonden enz. De fjirde alinea wurdt dan sa: -roept de betrokkenen
op deze voorstellen enz.
