- 54 -
3Voorstel tot vaststelling van het concept-bestuursplan.
De hear Breeuwsma seit dat it bekind is dat syn fraksje in
alternative begrutting yntsjinne hat om foar te kommen dat hiele
nuttige saken ferdwine sille. Dat alternatyf is hiel reëel en
best ütfierber.
Hy hat de yndruk dat beide koalysjepartijen harren tige krekt
fèstlizze omt de foarige kear it hiele bestjoersplan ôfstimd is.
It kolleezje wol no net mear links as rjochts sjen.
Dat is foar syn fraksje reden tsjin it bestjoersplan te stimmen.
De hear Bouma seit dat der krekt wol nei links en rjochts sjoen
is en dat syn fraksje dêrom mei it bestj oersplan ynstimme kin.
De dielplannen sjocht hy mei belangstelling temjitte. Nei syn
betinken hat de CD.A.fraksje net ynhâldlik mar allinne mar op
finansjeel mêd saken feroarje wollen yn it bestjoersplan.
De hear Van der Baan seit dat syn fraksje as iennichste krite-
rium by de beoardieling fan it bestjoersplan de ütwurking fan it
bestjoersplan hat. Oan de fruchten kint men de beam. De skore is
by him net in positive sin ütfallen. Yn it bestjoersplan stiet
dat de minske sintraal stiet. Dat is ek sa as it om it beteljen
giet. Op it mêd fan it wolwêzen moat fan alles ynlevere wurde,
dêr by komt ek noch in hegere belesting. Hy hat üt'e diskusje
merkbite kinnen dat it benammen foar de lytse doarpen der net
better op wurdt. In stik sintralisaasje wol syn fraksje per-
foarst net op ta. It doel, it leefber hâlden fan'e lytse doarpen
wurdt ûndergrûven. Hoe lyts in doarp ek is, it moat syn omtinken
ha. De grutte moat de swakke beskerming jaan. Tal fan saken bin-
ne net ütwurke. Der wurde allinne mar tasizzings dien, mar
werklike aksjeplannen binne der net. It opheffen fan reserves
betsjut dat der gjin strukturele oplossing socht is. Oan'e kimen
sjocht hy al nije tekoarten ûntstean. Oer de wurkgelegenheid
wurdt amper in wurd sein. Hy hat der earnstich beswier tsjin dat
der gj in taal- en kultuerbelied üntwikkele is. Foardat earne oan
begûn wurdt moat yn elts gefal de organisaasjestruktuer goed
wêze. It kolleezje giet oan dat feit foarby. In nij elemint, it
bedriuwsburo hat noch gj in ynfolling krigen. It kin fan alles
wêze. Foar in echte oplossing fan'e problemen is in helder byld
nedich. Dêr wêr't hy syn meiwurking jaan kin sil hy dat seker
dwaan. Dit bestjoersplan en fral de finansjele gefolgen dêrfan
kin hy net achterstean.
De hear Ren ia seit dat eltsenien ferline j ier sjen koe dat it
konsept-bestjoersplan dat doe foarlei net foldie oan'e ferwach-
tings fan ús burgers en fan'e ried. Doe't syn fraksje dat plan
dan ek ôfwiisde wie it syn yntinsje om mei de hiele ried en mei
de oanbelangjende ferienings te kommen ta in bestjoersplan dêr't
elts him yn fine koe.
Der binne petearen fierd mei de boargers. Foar de ried binne
wurkbyienkomsten belein dêr't it bestjoersplan haadstik foar
haadstik groeid is. It spyt him tige dat no op it ein fan de rit
twa fraksjes rigoreus nee sizze.
Dat is net wat hy tocht en ferwachte hat. It needsaaklike repare-
arjende belied is útsteld omt ûnder oaren it C.D.A. dêr om
frege. Syn fraksje is dêr yn mei gongen om mei de hiele ried de
rjochting fêst stelle te kinnen foar de takomst. It is net
slagge. Spitich, mar it sil him der net fan wjerhâlde no foar
dit bestjoersplan te stimmen.