- 4 -
Alles wat dus yn'e Blauwe Söne neamd wurdt wurdt ündergeskikt
oan de PKB. Us eigen plannen kinne dus troch it Struktuerskema
oan'e kant skood wurde. It Struktuerskema soe passé moatte yn de
Blauwe Söne en is dus eins oerstallich. It Struktuerskema jout
gjin ekonomysk perspektyf foar dizze streek en dat is in grut
beswier foar him. Oangeande de sinsnede üt'e reaksje op side 9
merkt hy op dat it fansels net allinne giet om produksjefolume.
Essinsjeel is it ynkommen fan'e minsken. It jild wat beskikber
komme soe moat brükt wurde foar in natuerfreonlike lanbou.
Gelokkich hat it kolleezje de opmerking oer de gründruk korrisje-
arre. De gründruk is net leech benammen net as miljeufreonlike
lanbou tapast wurdt. Hy fynt dat we op üs hoede wêze moatte foar
de tinkwizen fanüt de ranestêd wei. Der is seis oer praten dat
ekonomyske swakke gebieten wol under wetter rinne kinne soene.
Sa'n opmerking moat fül tsjin protestearre wurde yn Den Haach en
dat kin miskien yn de reaksje op it Struktuerskema ek wol neamd
wurde. Hy fynt dat de réaksjes fan'e maatskiplike organisaasje
mei dy fan de gemeente nei Den Haach stjoerd wurde moatte.
Gearfetsjend seit hy dat syn fraksje tinkt dat der yn Fryslan
mar ek yn Boamsterhim tagien wurde moat op in milj euf reonlike
ynfrastruktuerDat kin sawol lanbou as yndustry omfetsje. Fan
belang fynt hy dat it Struktuerskema yn wezen öfwezen wurde moat.
De hear Oosterhof kin him oanslute by it léste wat de hear Van
der Baan sein hat. Yn'e Blauwe Söne wurde goede dingen dien. Der
binne goede ófspraken mei ferskate groepearings üt'e befolking,
sa as lanbou, natuer en mei guon ministearjes. It foardiel fan'e
Blauwe Söne is dat de ried dér goed by fertsjintwurdige is. Hy
is der bliid mei dat de reaksje aardich feller wurden is. Syn
fraksje wol dat it Struktuerskema Griene Romte öfwezen wurdt en
gean fierder mei de Blauwe Söne.
De hear Breeuwsma fynt dit in sa wichtich ünderwerp dat der eins
wol in ekstra riedsgearkomste foar belein wurde mocht hie.
Earder hat syn fraksje der op wezen dat de gemeenten,
Boamsterhim, Tytsjerksteradiel, Smellingerlan, meielkoar prate
moatten hiene al fanöf it begjin dat it Struktuerskema der lei.
No hawwe provinsje, lanbouskip mar ek de neistlizzende gemeenten
Tytsjerksteradiel en Smellingerlan it Struktuerskema öfwezen.
Dat moat Boamsterhim ek dwaan. Wêrom wol it kolleezje sa fier
net gean? It Struktuerskema de Griene Romte sil de lanbou in
behoarlik stik wurkgelegenheid kostje. Om noch mar net te praten
oer de dêrfan öfliede wurkgelegenheid sa as by de FRICO. Hy fynt
it spitich dat it kolleezje sa hoeden mei dit rapport omgiet. It
Struktuerskema soe düdlik öfwezen wurde moatte.
De hear Ren ia seit dat der op it stuit hiel wat te réden is yn
Fryslan. En elk wol Fryslan réde. De iene wol de natuer réde en
meitsje yn Mid Fryslan in hiel grut Aide Feanen-gebiet. In oaren
ropt dat dat net kin omt der ek boeren wenje en der wurdt ek al
sein dat se de seediken trochstekke wolle. Wer in oaren ropt dat
in lyts Pemis by Stobbegat de oplossing is as in Botlekgebiet
by Hjelbeam. In treddenien ropt dat der noch wol mear boeren
hjirhinne kinne mei stront en al. Men slacht deryn om as malle
Jan yn'e hinnen. It spitst him üteinlik allegear ta op in tochte
tsjinstelling tusken natuer en wurkgelegenheid. Neffens syn
fraksje bestiet dy tsjinstelling der yn wêzen net. Natuer en
wurkgelegenheid hawwe mekoaren nedich, benammen hjir yn Fryslan.
N0T16FEB.l/H/4