- 9 -
De üntjouwing fan Ljouwert is yn it bysünder foar Boamsterhim
fan de grutste betsjutting. Hy is net gerest op wat it Streek
plan skriuwt oer de fuortsterking fan Ljouwert omt in pear siden
letter sein wurdt dat it stêdelik knooppunt achte wurdt op eigen
krêft syn posysje te ferbetterjen. 25% fan'e Fryske wurkgelegen-
heid leit yn Ljouwert. Allinne al om dy reden moat der foar yn'e
pleit gien wurde dat Ljouwert dy ympulsen kriget dy't needsaak-
lik binne. It soe dan ek gjin kwea kinne de ferbinings fan
Ljouwert nei it easten en it westen ta te ünderstreekjen en yn'e
pleit te gean foar de kanaalsöne en foar better en mear ünder-
wiismooglikheden. Benammen tinkt hy dan oan universitêr ünder-
wiis. Dêrmei kin Ljouwert in stevige ympuls krije omt om it
universitêr ünderwiis faak in cluster üntstiet fan nije en op
fernijing rjochte yndustrieën. It liket derop dat it MDC net yn
Ljouwert mar in Drachten komme sil. Hy wol yn it omtinken bringe
dat dit krekt in hiel wichtich aspekt is foar Ljouwert. De
Suderseespoarline is neffens him in bedriging foar Ljouwert.
Ljouwert komt sa yn de perifery te lizzen. It kolleezje hat gjin
réaksje jün op de plannen foar de lytse doarpen. Syn fraksje
fynt it dochs de muoite wurdich dêr wol it ien en oar oer te
sizzen. Yn de 80-er jierren hat de groei fan de Fryske befolking
foar 50% yn'e plattelanskearnen plakfün. Dat seit dus wol wat
fan'e betsjutting fan'e lytse doarpen. Yn it Streekplan wurde
gjin doelstellings as prioriteiten foar de doarpen oanjün wylst
earder in evenredich diel fan'e befolkingsgroei foar de lytse
doarpen bestimd wie. Ek al wize de sifers ut dat it eardere
belied in tige positive ütwurking hie foar de doarpen, yn it
nije plan wurdt de lytsskalige wurkgelegenheid öfremme. Men soe
eins wol stelle kinne dat Fryslan al ien grut megapark is en dat
it plattelan dêr in wichtige rol yn spilet. Ek de bestimming fan
frijkommende pleatsen sil de kommende tiid oan bannen lein
wurde. Dat is in minne saak. It belied wurdt no al te iensidich
rjochte op de 5 stedssintra en de 16 reionale sintra. Dêrmei
wurdt de oare 283 plattelanskearnen te koart dien. Syn fraksje
giet yn'e pleit foar in lykwichtige ferdieling en sprieding fan
wenjen en wurkjen oer alle plakken. Ofwikings soene oerlitten
wurde moatte oan it belied fan de gemeenten yn gearwurking en yn
oerlis mei de doarpen seis. Fan 1986 oant 1991 groeide de wurk
gelegenheid yn'e plattelanskearnen mei 7,42% en de lanbou
ferlear mear as 18%. Yn'e hiele provinsje groeide de wurkgelegen
heid mei 7%. In bewiis en reden te mear om it belied foar de
doarpen net te wizigjen. Miskien soe it doel hawwe as yn de
réaksje ek praten wurdt oer de sprieding fan rykstsjinsten nei
de regio's ta. It hat bliken dien dat dat fertuten docht foar de
wurkgelegenheid. It natuergebiet sil ütwreide wurde. It behear
sil dan plakfine troch amtners ynstee fan boeren. Hy fynt it in
frjemd idee dat dêr wer oeral oer privatisearing praat wurdt
hjir it omgekearde it gefal is. Hy tinkt dat dit ien fan de
grutste flaters is dy't makke wurde sil yn de kommende tiid.
De hear Breeuwsma seit dat it üntwerp Streekplan in grut boek-
wurk is. Sjoen eardere ünderfinings mei Streekplannen tinkt syn
fraksje dat it mear de bystjoering fan belied is. Syn yndruk is
dat dit ek makliker te folgjen is dan earder wolris it gefal
wie. Hy tinkt dat dit "lyfke" net sa strak sit as de hear Van
der Baan mient. Us gebiet wurdt op't stuit beynfloede troch it
struktuerskema de Griene Romte en de Blauwe Sóne as reade tried
dêr trochhinne.
NOT21SEP.1/H/9