- 10 -
By de ekologyske ferbiningssóne merkt hy op dat it hjir giet om
in suvere natuerfunksje. In rekreaasjefunksje ferdraacht him
neffens syn fraksje net mei de natuerfunksje. Hy fynt dat der by
punt 9 net al te konkreet reagearre wurde moat. Foar Wergea soe
hy net stelle wolle dat der ferfangjende bedriuwichheid op it
plak fan it fabryk komme moat. It soe neffens him wat rommer
steld wurde moatte, bygelyks ferfangjende bedriuwichheid yn
Wergea. Aldeboarn is net neamd yn de réaksje en dêr moatte eins
ek noch huzen boud wurde.
De hear Bethlehem seit dat syn fraksje it net iens is oer it
punt bedriuwichheid. De hear Renia sil it dêr aanst oer hawwe.
Syn fraksje is it grutte linen wol iens mei de réaksje fan it
kolleezje. Syn fraksje fynt ek dat it Streekplan wat al te
maklik docht oer de lytse kearnen. Oant 1995 is der noch 1 mil
joen beskikber foar de üntwikkeling fan de lytse kearnen. Yn
1994 sil der in evaluaasje plakfine en dêmei sille de lytse
kearnen har mar min ofte mear réde moatte. Hy sjocht dat wol wat
swier yn en freget it omtinken fan it kolleezje hjirfoar. In
part fan syn fraksje fynt dat it kolleezje gelyk hat as hy seit
dat Boarnsterhim in rekreaasje- en lanbougemeente is. Hy fynt
mei it kolleezje dat wy it dêr net mei réde en dat besocht wurde
moat nije bedriuwichheid oan te lüken. De trijehoek Jimsum-
Akkrum-Grou is dêr poergeskikt foar. Wat Wergea oanbelanget slüt
hy him oan by wat de hearen Van der Baan en Breeuwsma dêroer
sein hawwe. Hy warsköget der wol foar dat gemeenten net elkoar
bekonkurearje moatte.
De hear Renia seit dat it part fan syn fraksje dêr't hy foar
praat it der oer iens is dat der in gearhing yn'e üntjouwing fan
Jirnsum, Alkkrum en Grou bestiet. Dat dêr bedriuwichheid komme
kinne moat is fansels ek prima. As yn it gebiet südwestlik fan
Grou bedriuwichheid komt en dat stiet sa yn it Streekplan dan is
hy der bang foar dat der in hikke iepenset wurdt sünder dat
bekind is wat dêr achterwei komt. Want as dêr wat üntwikkele
wurdt kin dat oars net as grutskalich. En Grou komt dan under de
reek fan dat gebiet te lizzen. Yn elts gefal soe oer dizze
üntjouwing earst mei de Grousters praten wurde moatte. Hy stelt
üt de belutsen alinea ut de réaksje te hel jen. Hy tinkt ek dat
mei de Wergeasters om'e tafel gien wurde moat oer it plak fan'e
ferfangjende wurkgelegenheid.
De hear Oosterhof seit dat hy him fine kin yn'e réaksje fan it
kolleezje. Yn maaie is it Streekplan presintearre. Him tinkt dat
der foldwaande tiid west hat om jin in oardiel te foarmjen. Hy
hat ek wol fraachtekens by de bedriuwichheid südwestlik fan
Grou en stelt him ek sa foarsichtich op as dat part fan'e
fraksje fan de P.v.d.A. dat achter de hear Renia stiet. Krekt as
de hear Bethlehem is hy gjin foarstanner fan konkurrinsje
tusken de gemeenten. Wat it plak fan'e ferfangjende wurkgelegen
heid oanbelanget is hy it iens mei de eardere sprekkers.
De foarsitter slüt de gearkomste tydlik foar oerlis yn it kol
leezje om 21.30 oere.
Hy weriepent de gearkomste om 22.00 oere.
NOT21SEP.1/H/10
