- 4 -
Wethalder Nieuwdam is it wol mei de hear Roorda iens dat de
öfhanneling op syn sachtst sein wol better kind hie. Hy seit ta
dat op koarte termyn kontakt socht wurde sil mei de stjoerder
fan it brief om in oplossing te finen. Hy seit ek ta it brief
nei de Wolwêzenskommisje te stjoeren.
Vervolgens wordt zonder hoofdelijke stemming conform het voor
stel en de tijdens de discussie gedane toezeggingen besloten.
4Mededelingen.
Nummer 3:
De hear Van der Baan stelt it op priis dat syn fraksje troch it
kolleezje op'e hichte brocht is fan wat yn'e besletten gearkom-
ste fan 25 augustus bepraten is. No is it ferfelend dat der
dochs betizing üntstien is. Hy soe it o sa op priis stelle dat
it kolleezje oer in pear saken syn stanpunt jaan wolle soe. Yn
in provinsjale kommisjegearkomste is nammentlik sein dat der net
oantrune wêze soe op in besletten gearkomste. Yn in oare gear-
komste is steld dat üs gemeente sawol finansjeel as planologysk
meiwurking ferliend hat oan'e plannen foar de omlizzing fan it
Prinses Margrietkanaal. Hy wol graach witte oft dizze beweringen
klopj e.
De hear Bouma trunet oan op sa gau mooglik in behanneling yn it
iepenbier.
De foarsitter seit dat wat Deputearre Steaten dogge as sizze sy
dat seis witte moatte. Net foar neat hat it kolleezje hjoed syn
réaksje bleatjün omt dêr no krekt yn stiet wat der op 25 augus
tus sein en skreaun is. It kolleezje sil sa gau as mooglik ek
weromkomme op de winsk fan de ried de diskusje yn it iepenbier
te fieren.
De hear Van der Baan seit dat syn fraksje der by bliuwt dat bes
letten gearkomsten de demokrasy net tsjinje omt dy allegear
misfettings oer hiele wichtige saken yn'e han wurkje.
De hear Breeuwsma seit dat syn fraksje it iens is mei it brief.
Op 25 augustus is der gjin besletten mar in wurkgearkomste fan'e
ried west. Dy mooglikheid moat der wol bliuwe. Hy tinkt dat it
hiel goed is dat de plannen no yn in brede ynspraak komme omt
der in protte belangen by belutsen binne. Syn fraksje tinkt dat
dizze plannen in positive ympuls jaan kinne foar dizze gemeente
mar streket dêrby oan dat der tige hoeden mei alle belutsenen
omgien wurde moat.
Mefrou Sant erna is der bliid mei dat nei alle betizing, ek foar
de leden fan de ried, it brief fan it kolleezje no yn'e iepen-
bierheid brocht is.
De foarsitter seit dat it kolleezje de miening fan de fraksje
fan de F.N.P. kint. It kolleezje woe foardat hy in stanpunt oan
Deputearre Steaten bekind makke graach mei de ried oer dizze
plannen prate. Deputearre Steaten wiene der ek akkoart mei west
as it kolleezje in réaksje jün hie. It like it kolleezje goed ta
yn in wurkbesprekking mei de ried te praten. It wie ferantwurde
dat achter tichte doarren te dwaan. Hy tinkt dat besocht wurde
moat op in goede manier fan dizze plannen te profitearjen. Der
sille wat konsessies dien wurde moatte, mar net te folie en it
sil wat wurk opsmite moatte.
N0T21SEP.l/H/4