- 19 -
Sa'n brief hat fansels in swiere politike lading en de F.N.P.-
fraksje is dan ek wakker fernuvere dat de P.v.d.A. fierder neat
witte litten hat oan ús fraksje. Wy geane no op de taast fierder
en meie hope dat der fan dy kant in helder andert komt.
Ek al hat de ried neat te sizzen oer de gearstalling en de
ferdieling fan de portefuljes, dochs binne wy fan betinken dat
it kolleezje har nochris goed beriede moat oangeande dy fer
dieling dy't neffens üs lang net lykwichtich is en grif net yn
it belang fan de bestjoers- krêft yn üs gemeente.
De P.v.d.A.-wethâlder hat tefolle hea op de foarke nommen en soe
der ferstannich oan dwaan óf de romtlike oardering óf sosjale
saken út har portefulje te heljen.
De ôfrûne perioade hat bliken dien dat dy taak har oermânsk wie
en dan is it ferstannich om in wat minder swiere taak op jin te
nimmen
Yn de amtlike organisaasje is noch in protte mis. Wy hawwe
grutte noed datoangeandebenammen omdat fan in "management
team" dat net folslein is, gjin konsistint en lykwichtich bel-
iedsstipe ferwachte wurde kin. Dêrnjonken fersteurt soks de
ünderlinge relaasjes en ferhâldings.
Wy tidigje derop dat it kolleezje datoangeande alle oandacht oan
dat probleem jaan sil omdat soks it wichtigste elemint foarmet
yn de bestjoerskrêft en yn de ferhâlding nei de befolking ta.
Ek sille wy wach wêze moatte fanwegen it skarlunich each dat de
stêd Ljouwert op syn omjouwing falie litten hat yn de bestjoer-
like fernijing. At wy selstannich fuortbestean bliuwe wolle dan
sille wy alle seilen bysetten moatte en is ienriedigens en
bestjoerskrêft nedich om Boarnsterhim selstannich te hâlden.
Oer de begrutting it folgjende.
Yn de ynlieding is allinne mar praat oer de finânsjes en wurdt
de fermogensposysje fan de gemeentlike oerheid, lykas by Colijn
yndertiid, foar hillich ferklearre.
Ek al ûntkenne wy net it belang fan in süne finansjele basis,
dochs soe it ûnrjochtfeardich wêze om de finansjele blunders en
dat wat yn jierren skeefgroeid is, yn in pear jier wer rjocht te
lüken en alhiel net, no't soks giet op kosten en ta skea fan de
minima en oaren oan de ünderkant fan üs maatskippij
By de minima is gjin frije romte mear yn de besteging fan it
jild. Om dy reden stelle wy in tal feroarings foar yn de begrut-
ting.
De ynstelling fan in füns wachtjildferplichtings ferfalt dan. It
jild dêrfoar ornearre, bliuwt by de reserves. Soks betsjut dat
de reserve maatwurk SoZa en planfoarming handikaptebelied
bestean bliuwe dat no noch net fan de grün kommen is.
Foar de begrutting 1995 wollen wy de reserve CAI brûke foar de
"bijdrage reserve kosten voormalig personeel", maar dy reserve
moat yn de rin fan de tiid wer foarme wurde at de CAI net fer-
kocht wurdt.
Twad geane wy net akkoart mei it ferheegjen fan de ûnreplik guod
belesting. Ek dêrmei kinne wy de minima o sa'n deugd dwaan.
Prinsipieel binne wy tsjin de post begraafrjochten en dêrmei ek
tsjin dy ferheging. De minderopbringst kin kompensearre wurde
troch te be- skikken oer de reserve garânsje-oanspraken
f 173.000,00, kwartêre wegen f 8.032,00, ûnderhâld wei Grou -
Warten f 20.535,00 en reserve V. en S. f 21.208,00.
N0T1411/0/H/BR0UWERJ/19
