- 34 -
It kolleezje is fan betinken dat dat net it gefal is. Der wurdt
in soad oer ynhâldlike punten praten. Ferskillen fan miening
wurdt oer praten en der wurdt besocht om der út te kommen. Hy
sjocht gjin oanlieding om de portefuljeferdieling op 'e nij yn
diskusje te bringen.
It kolleezje is ek fan betinken dat de kommunikaasje tusken de
gemeente en boargers/ynstellings better moat. Der is in proses
op gong brocht om ófspraken te meitsjen om de koers foar de lan
gere termyn te bepraten. Der moat net allinne útlein wurde wêrom
as dingen al as net kinne, der moat ek harke wurde en mooglik
kinne der nije metoaden as wurkbesites, boargerpanels en in
referindum komme. It kolleezje is fan betinken dat in referindum
in metoade wêze kin en wol dêr graach ris mei de ried oer prate.
Dat soe kinne op de strategyske wurkkonferinsje dy't it kol
leezje belizze wol op 30 jannewaris 1995. Lykwols liket it it
kolleezje net goed ta foar de plannen foar de Minne Finne al in
referindum te hâlden. Earst moat der in deeglike diskusje oer it
wat en wannear fan de metoade referindum hâlden wurde.
De fraksjes fan C.D.A. en Gemeentebelangen 2000 fine dat oppast
wurde moat mei it "opstarten" fan nije plannen omt der al
safolle op'e hispel stiet. It kolleezje is it dêr wol mei iens
mar it is wol sa dat der fan it ryk en de provinsje saken op ús
ôfkomme dêr't wy oan meiwurkje moatte.
It kolleezje fielt wol foar in maitiidsnota omdat it goed is om
op mear mominten yn it jier te diskussiearjen oer it belied.
Hjir kin kin op 30 jannewaris ek oer praten wurde.
It kolleezje is net fan doel it Ontwikkel jen fan it BBI op te
skowen nei 1996. Dat sil it earste Onderwerp wêze foar de gear-
komste yn jannewaris.
De F.N.P. seit dat ryks- en provinsjemaatregels funeste sosjale
gefolgen hawwe kinne. It kolleezje seit dat de gemeente net dy
maatregels korrigeare kin mar op oare wize kin wol datjinge dien
wurde wat de leefberheid yn'e gemeente befoardert.
It kolleezje is fan betinken dat Boarnsterhim selsstannich
bliuwe moat. Sa stiet it ek yn it riedsprogramma. De hear Etty
hat op persoanlike titel dingen sein oer grut-Ljouwert ensa-
fuorthinneDe hear Van der Baan hat dêr út opmakke dat Ljouwert
mei in skarlunich each nei Boarnsterhim sjocht. Oan de diskusje
oer de bestjoerlike fernijing wol it kolleezje graach meidwaan
mar wol út de tinkwize wei dat Boarnsterhim selsstannich bliuwe
sil. Harmony en ienriedigens yn de ried kinne bydrage jaan oan
de bestjoerskrêft dy't dêrfoar nedich is. Dit docht him tinken
oan de wurden fan Judith Herzberg: "Wat zou het loodzwaar tillen
zijn, wat een gezwoeg als niet iedereen iedereen terwille was,
als niet iedereen iedereen op handen droeg". We moatte meielkoar
in wei sykje om de problemen op te lossen.
Ut de opmerkings fan it C.D.A. en de V.V.D. oer de ferbettering
fan de diken priuwt hy stipe foar it kolleezje.
It Halbertsma Plein leit der min by, wylst it eins it besite-
kaartsje fan Grou heart te wêzen. It kolleezje wol noch ien kear
mei de oanbe lang jenden prate om sa in wei kieze te kinnen foar
in befredigjende oplossing.
De ferhâlding eigen/frjemd fermogen is troch ferskate fraksjes
oanhelle. Ek wurdt der opmurken dat de útgongspunten foar it
belied noch net fêststeld wurde moatte. It kolleezje tinkt dat
der in grut ferlet is fan dúdlikheid en in helder belied. Yn it
oanbiedingsbrief is sein dat der op dat stuit tefolle jild fan e
bank helle wurdt en dat der te min eigen fermogen is.
N0T1411/0/H/BR0UWERJ/34