- 43 -
Mevrouw Aukes interrumpeert dat haar fractie dorpswachten en
politiesurveillanten wil loskoppelen. Dorpswachten ziet zij meer
een taak hebben in het dorpsbeheer en niet zozeer een politie
taak.
De foarsitter seit dat de plysjesurveillant hiel útdruklik in
plysjetaak útfierd. Op himsels is it goed om yn'e simmermoannen
in wat steviger plysjekapasiteit te hawwen. Dêroer sil in petear
mei de plysje plakfine.
Der is in misferstân oer it sosjale isolemint tusken de F.N.P.
en it kolleezje. Yn earste termyn tocht it kolleezje dat de hear
Van der Baan op it minimabelied tsjutte. It kolleezje tinkt dat
itjinge lâns dy wei berikt wurde kin wol wichtich mar marzjinaal
is as it giet om de hichte fan it ynkommen. As de O.Z.B. en de
oare gemeentlike belestings dêrby behelle wurde, wurdt dat oars.
Dêrom fynt it kolleezje ek net dat hyltiten mar de belestings
ferhege wurde kinne.
It kolleezjewurkprogramma hat de status fan wurkprogramma foar
it kolleezje.
Beliedstarieding en -ütfiering kinne yndied bedriuwsmjittich
beneiere wurde. Op oare saken giet dat lykwols net sa maklik.
Oer de needsaak fan kwaliteit fan de organisaasje bestiet gjin
ferskil fan miening tusken de fraksje fan Gemeentebelangen 2000
en kolleezje.
De post ûnfoarsjoen is ferdûbele en jout romte oan de ried om
romhertich dêr mei om te gean en is benammen bedoeld foar ien-
malige bydragen.
De ynvestearingsromte fan f 150.000,00 is bedoeld foar it betel-
jen fan fêste lesten fan ynvestearings op ferskate beliedster-
reinen.
Op 'en doer sil de begruttingssyklus feroarje. It jier fait dan
yn trijen. It kolleezje is fan doel dat sa gau as mooglik yn te
fieren.
Oer de ünderdielen dy't liede ta it tekoart fan 6 ton sil yn de
earstfolgjende ôfdieling praten wurde.
Wethâlder De Boer seit dat it de yntinsje fan it kolleezje
oangeande de Minne Finne is om in breed draachflak te krijen
foar de plannen. Alle reaksjes wurde tige serieus nommen. Der
sil in tal farianten makke wurde en dêr sil mei de ferskate par
tijen oer praten wurde. Goed trochtocht en net yn sân hasten.
It wurkjen mei behâld fan útkearing kin, sa tinkt it kolleezje,
diel útmeitsje fan it arbeidsmerkbelied en tsjinje ta befoar-
dering fan'e útstream. De kursussen fan Foarwurk hâlde net op
omt der in grutte fraach nei is ek út it bedriuwslibben wei.
Foarwurk sil sûnder mis belutsen wurde by it útstreambelied.
Mei Hüs en Hiem binne no goede ôfspraken makke. It kolleezje wol
wol, op langere termyn, alle foars en tsjins fan in gemeentlike
kommisje op in rychje sette.
Der wurdt op dit stuit praten oer it ynfoljen fan it terrein fan
F.F.D. yn Wergea.
Der wurdt wurke oan in "stappenplan" foar it yndustryterrein yn
Jirnsum. Foar Spikerboar sil itselde barre.
Yn jannewaris 1995 sil der oer praten wurde wêr't de fierdere
útwreiding fan wentebou en yndustryterrein komme moat.
It bestimmingsplan bûtengebiet komt yn'e earste helte fan 1995
op besjen te lizzen.
N0T1411/0/H/BR0UWERJ/43