- 3 -
Wy besjogge it opheegjen fan dizze post yn gearhing mei it
fergrutsjen fan de ynfestearingsromte. Dy beide saken komme
temjitte oan de doelstelling dy't wy earder oanjûn hawwe mei de
ferneamde "knyppyntepot" út it riedsprogramma. Wy wolle romte
foar (lytse) ynfestearings foar ien kear, dêr't bygelyks ek oare
subsudzjes mei behelle wurde kinne. Op dy wize kin faaks mei in
relatyf lytse gemeentlike bydrage in grutte mearwearde yn de
doarpen realisearre wurde. Wy tinke oan bouwe/ferbouwe, doarps-
huzen en sportfoarsjennings
Wy hawwe in amendemint mei dizze ynterpretaasje fan beide begrut-
tingsposten.
As twadde stiet sintraal it kommen ta in oare wize fan bestjoe-
ren. Wy sille as ried mear as oant no ta op haadlinen oanjaan
moatte wat wy berikke wolle; soks betsjut mear stjoere en minder
reageare. By dizze Algemiene Skógings soene wy bygelyks al
rjochting jaan moatte oan de begrutting 1996. It kolleezje kin
dan útwurkje hoe't it resultaat bestjoerlik en organisatoarysk
it bést helle wurde kin en de organisaasje fiert dêrnei de saken
goed en effisjint út. By sa'n wurkwize hearre nije ôfspraken oer
foech en ferantwurdlikheden, nij finansjeel belied en nije
finansjele ynstruminten.
Soks liket foar de bûtewacht faaks net sa belangryk of alteast
net in saak dêr't men no fuortendaliks de ynwenners foar op de
tribune krijt. En dochs fynt ús fraksje it hiel wichtich. Mei in
trochsichtige begrutting, in goede kostebehearsking en in goed
ynsjoch yn de kosten fan ús belied yn relaasje ta wat it foar de
mienskip opsmyt, kinne wy ús demokratyske taken better útfiere.
Foar ús stiet dêrby sintraal dat de politike diskusje folslein
ta syn gerak komme moat yn de ried.
Dat is it plak dêr't ôfweagings plakfine moatte. Dan moat der
lykwols al romte wêze foar reële ôfweagings.
Dat betsjut yn ús eagen dat der (noch) minder jild fêst setten
wurde moat yn fûnsen en reserves en mear nei de algemiene mid
dels moat. It betsjut ek dat wy yn'e takomst ta moatte op jier-
likse middels foar ien kear foar prioriteiten en nij belied.
Us fraksje wol sa gau mooglik út ein sette mei it ûntwikkeljen
fan nij finansjeel belied en in nij ynstrumintarium.
Yn it amendemint jouwe wy oan hoe't wy fine dat dy saken oppakt
wurde moatte.
Wy binne ynnommen mei de ynsichtlike Begrutting Yn Ien Eachop-
slach.
As tredde algemiene punt út it rieds- en kolleezjewurkprogramma
neame wy de kommunikaasje mei ús ynwenners. It giet dêrby yn de
eagen fan de P. v. d.A.-fraksje foaral om it ferbetterjen fan de
fertrouwens relaasj e
Us ynwenners soene der fan út gean meie dat sy yntiids ynfor-
mearre wurde oer of ynskeakele wurde by saken dy't harren
oangean; sy soene der ek fan út gean meie dat as saken oars
geane, soks altyd bart op grûn fan arguminten. Oer dy arguminten
kin men fan miening ferskille. Dêr leit dan ek wer it momint fan
politike ferantwurding: útlizze wêrom in beskate kar makke is.
It is spitich dat der yn de gemeente te faak in sfear hinget fan
"se dogge mar wat", "se harkje net" en "wy binne wer de lésten
dy't der wat fan hearre".
N0T1411/0/H/BR0UWERJ/3
