- 6 -
Us boargemaster is destiids ek beneamd mei in rom mandaat
fan de fraksjefoarsitters om swierrichheden yn de organisaa-
sje op te lossen. Dat hat der mei ta laat dat de reorgani-
saasje - gelokkich - yn in streamfersnelling kommen is. Mar
yn dizze ûntslachkwestje hat de portefuljehâlder en mei him
it kolleezje te swiere gefolgen ferbûn oan de bedreaune
feiten; de rjochter is ta in oare beoardieling fan dyselde
feiten kommen. Us fraksje hat der mear as ien kear op
oanstien om gefolch te jaan oan eardere útspraken fan de
rjochter. Us fraksje giet der fan út dat it kolleezje dat
no ek docht en besiket ta wurkbare ferhâldings te kommen.
Wy hawwe al earder sein dat der allinnich mar ferliezers
binne yn dizze saak. In bestjoerlike krisis soe de skea
allinnich noch mar grutter meitsje.
Wy wolle ta op rêst yn de organisaasje en it ferbetterjen
fan it wurkklimaat. Soks kin as der minder nei tsjinstel-
lings socht wurdt, mar mei respekt foar elkoars posysje en
(eigen)aardich- heden gearwurke wurdt.
Soks jildt fansels ek foar de ried en it kolleezje. Wat ús
bynt binne de saken dy't wy meielkoar út'e wei sette moatte
yn Boarnsterhim. En, foarsitter, dat binne noch in hiel
soad. De ienriedigens dêr't wy mei út ein set binne, wolle
wy fêsthâlde.
Wy tinke dat mei de begrutting fan ferline jier, mei hiel
yngripende besunigings, in nije koers fan'e gemeente ynset
is. Dizze begrutting set wer in stap fierder. Sa komme wy
stap foar stap út'e nederklits. It freget úthâldingsfer-
mogen, langere termyn belied, moed en ek ynkassearingsfer-
mogen. Want, foarsitter, de histoarje leart ús dat gemeente
best joerders fan Boarnsterhim rekkenje kinne op aardich wat
nuvere en brike saken. De ûnderfining dy't in riedslid yn
Boarnsterhim opdien hat yn it ôfûne healjier, dér docht in
riedslid fan in trochsneed Fryske gemeente fjouwer jier
oer. Wat dat oangiet sit hjir in ploech dy't al aardich
yn't sâlt bebiten is.
Us fraksje hat dan ek alle fertrouwen yn'e takomst.
Foarsitter, wy sjogge goede perspectiven foar ús gemeente as wy
sykjen bliuwe nei wat ús bynt en noed stean foar de minsken om
ús hinne. De fraksje tsjinnet de folgjende amendeminten yn en
docht in ynisjatyf-útstel.
Amendemint 1.
It opheegjen fan de post ûnfoarsjoen besjen yn gearhing mei
it fergrutsjen fan de yfestearringsromte, dat sadwaande oan de
strekking en doelstelling fan de yn it riedsprogramma neamde
"knyppuntepot" rjocht dien wurdt.
Dat betsjut dat:
romhertich mei de post ûnfoarsjoen omgien wurdt;
echte knyppunten net tusken wâl en skip reitsje;
der romte wêze moat foar (lytse) ynfestearrings foar ien
kear (co-financiering);
romte foar ynvestearrings net allinnich yn de "hurde"
sektor ynset wurdt, mar ek foar bouwen en ferbouwen yn de
wolwêzenshoeke. Wy tinke benammen oan doarpshuzen en sport-
foarsjennings
N0T1411/0/H/BR0UWERJ/6