- 6 -
Dochs soe hy dêr ris nei sjen wolle omt it kolleezje blykber in
oare line foarstiet as it giet om de bestimming fan it oerskot.
De post reiniging lit in foardielich ferskil sjen, dat opbrocht
is troch de boargers. De kosten fan de reiniging binne folslein
trochberekkene yn de tariven. As der dus in oerskot is fynt syn
fraksje dat dat werom moat nei de boargers. Net troch it út te
kearen mar troch de tariven oan te passen. It ynstellen fan in
egalisaasjefûns foar de reiniging soe in goed middel wêze. Hy
trunet dêr dan ek op oan.
De hear Van der Baan seit dat syn fraksje wurdearring hat foar
it moai op 'e tiid wezen fan de gemeenterekkenYn it totaal kin
steld wurde dat der grutte ferskillen lizze en we binne noch net
dêr dêr't we wêze moatte. Syn fraksje wol op in pear posten
wize. It bedrach foar de boaiemsanearing Terherne yn de risikopa-
ragraaf liket him oan de lege kant. Utbesteging fan it ûnderhâld
fan bedriuwsautos soe foardielich wêze kinne. It skeel tusken
de gemeente en de Grontmij hat f 450.000,00 koste. Hy fynt dat
de ried op dit punt better ynformearre wurde moat. Syn fraksje
is fan betinken dat it tefolle betelle jild foar de reiniging
ten goede komme moat oan de boargers, troch it bedrach fan
f 560.000,00 te redusearjen op de reinigingsrjochten foar 1996.
Hy stelt dat út. In oare reden om dit út te stellen is dat it
goede gedrach fan de boargers beleanne wurde moat.
De foarsitter betanket de ried foar syn positive wurden. Hy sil
de kompliminten oerbringe oan de ôfdieling finânsjes. Der is
konstatearre dat der grutte ferskillen binne tusken begrutting
en rekken. Dat seit dat de behearsberheid fan de totale or-
ganisaasje noch net op peil is. Hy seit de ried ta dat der in
diskusje yn de ried komme sil oer de hichte en de posysje fan de
reserves. Dus oer de normearing fan de reserve en in skommelpart
dêryn. It effekt fan de reserves is ommers mar beheind. De analy
se fan de reserves is net sa hoopfol as wol tocht wurdt. It kol
leezje is it ek iens mei de reaksje fan de accountants. Miskien
is it goede momint wol de behanneling fan de begrutting foar
1996. De fermindering fan potsj es is ek wol in winsk fan it
kolleezje mar yn de praktyske útwurking binne der dochs in tal
beheinings. De diskusje hjiroer kin ek by de begrutting 1996
fierd wurde. It op 'e tiid klear wêzen fan de rekken hat yndied
ekstra jild koste. It swiertepunt leit lykwols by de eigen min-
sken. De eigen minsken wolle dat ek seis sa omt men it proses
behearskje wol en omt der foar de kommende jierren noch in op
dracht leit. De rekken moat noch mear in beliedsynstrumint
wurde. En de oersetting nei de produktbegrutting sil ek út eigen
hûs komme moatte. Dêr wurdt dan ek hurd oan wurke. Sa't de hear
Postma opmurken. hat is it finansjele belied net it belied. Der
sil in breder ynstrumentarium komme moatte om de eigen organisaa-
sje te behearskjen en om beliedsmjittich de goede kar meitsje te
kinnen. De begrutting foar 1996 sil dêr dúdlik yn wêze. De
beslútfoarming oangeande de begrutting sil noch de tradisjonele
foarm hawwe. Dêrnjonken sil dan de produktbegrutting lizze. Pas
dan kin der net allinne in finansjeel mar ek in beliedsmj ittich
ferslach komme. De brânwar is hjoeddedei mear dan ea op 'n paad.
It kolleezje hat fêststeld dat der in bûtengewoan professioneel
apparaat is besteande út frijwilligers dy't dei en nacht klear
steane. De brânwarminsken fine seis net dat se oerbelêste binne.
De boaiemsanearing is ynskatten op basis fan feitlike gegevens.
NOT0407/0/H/BR0UWERJ6