- 14 -
Haar fractie heeft gevraagd te onderzoeken of er een draagvlak
is voor het schrijven van friese brieven naar de Plaatselijke
Belangen.
De hear Van den Berg seit dat yn it ferline de gemeente Boarn-
sterhim ek al behoarlik foarop rûn hat op it mêd fan it Frysk.
Der is al in protte tiid en jild stutsen yn it belied Frysk.
Foar syn fraksje is dit üstel it maksimumpakketWat yn in plan
fan oanpak stiet kin yndied in oanset wêze ta it mear en better
brûken fan de Fryske taal. Hy makket dêrby de oantekening tsjin
it ferlienen fan in gratifikaasje oan amtners te wezen omt it
gjin fertuten dwaan sil. De ütwurking fan de doelstellings komt
wol foar rekken fan de amtlike organisaasj e, dy't no al de
hannen mear as fol hat. Der kin net mear ferlangd wurde dan
mooglik is. As hy in kar meitsje mei tusken in fluch antwurd yn
it Nederlânsk as in Frysk antwurd dat langer op him wachtsje
lit, dan kiest hy foar it earste. By syn fraksje leit de priori
teit by it op oarder krijen fan de amtlike organisaasje.
De hear Postma seit dat syn fraksje dit in helder, goed plan fan
oanpak fynt. De stân fan saken, sa't it rapport dy oanjout is
seker net bemoedigjend. It rapport is helder yn syn doelstel
lings. Alhoewol't syn fraksje it ütstrielen fan de Fryske taal
yn positive sin foarstiet is hy gjin foarstanner fan gratifikaas-
jes foar it brûken fan it Frysk en it struktureel opnimmen fan
in formaasjeplak Frysk. De effektiviteit fan dit plan wurdt foar
in grut part bepaald troch it draachflak. Unfoldwaande draach-
flak, yntern mar ek ekstern sil gjin grut risseltaat fan gefol-
gen hawwe. Syn fraksje is it iens mei it útlûken fan in bedrach
fan f 1000,00.
De hear Van der Baan seit dat foar him taal en minsken synonym
binne. As jo de taal tekoart dogge dogge jo de minsken tekoart.
Sa ünderfynt hy dat ek yn de ried as guon minsken it wurd fiere.
Men docht as hat de taal hjir allinne mar in funksje dy't alles
behindert. It liket net in ferriking mar in ferearming en yn
elts gefal in lestige sitewaasje as de Fryske taal brûkt wurdt.
Respekt foar de oar is der hast net te finen en dat docht wol
sear. Hy fynt dat de foarige sprekkers fergetten hawwe nei te
tinken oer wat it Frysk betsjut en wat it Frysk is. It Frysk
stiet yn in min ofte mear minderweardige sitewaasje. Dat hat fan
alles te krijen mei de hâlding fan minsken tsjin oare minsken
oer. Hy fynt dat yn de ferhâlding tusken de ferskate talen gjin
arrogânsje bestean mei. Hy giet yn 'e pleit foar in lykwear-
digens fan it Frysk yn dit gebiet dêr't it Frysk noch brûkt
wurdt. Hy soe it o sa op priis stelle dat dizze gemeente op 'e
nij foarop rinne wol yn dizze striid. Yn 12 jier Boarnsterhim
sitte we hast Wer op it nulpunt wat it brûken fan it Frysk
oanbelanget. It kolleezje besiket no wer de tried op te nimmen.
It docht him sear dat it sa moat. Oan de iene kant is hy bliid
mei dizze oanset. Oan de oare kant is hy tryst omt hy wjerstân
fernimt tsjin it Frysk oer. As der op dy wize oer it Frysk praat
wurdt dan fynt hy it earliker dat der mar sein wurdt dat men
neat fan it Frysk hawwe moat. Boarnsterhim kin in wichtige rol
spylje mar dan moat dat op in wize dy't it Frysk wurdich is. We
kinne net sûnder amtners dy't it Frysk brûke kinne mar fral
brüke wolle. No en dan heart hy yn de organisaasje minachtsjende
lüden tsjin it Frysk en de minsken dy't Frysk prate oer. Hy fynt
dat it gefaarlike hâlding. Syn fraksje is bliid mei it útstel.
NOTO407OHBROUVERJ1A
