- 4 -
Syn fraksje wol in tal fragen oan it kolleezje stelle: Is dit
rapport fan Bak in beliedsplan? Wat binne de politike konsekwins-
jes foar de wethâlder as de plannen op in strop útdraaie? Sil se
har portefulje beskikber stelle of sil it folsleine kolleezje
opstappe? Hokker easken kinne der steld wurde oangeande de
arsjitektuer fan de gebouwen en it boumateriaal? Wêrom dy haast,
wêrom waard de normale proseduere net folge? Wat binne de rûsde
kosten fan oankeap en oanlis fan it terrein en de wegenoanlis?
Troch wa wurdt dat betelle? Dizze fragen brâne syn fraksje op de
lippen. As it kolleezje net folslein yn it beanderjen fan de
fragen wêze kin dan is it plan ek net goed ôfwûgen.
De hear Oosterhof wurdt benaud fan it ferhaal fan de hear Van
der Baan. Sjoen it brief dat nei de provinsje stjoerd wurdt
frezet hy it erchste. Sit Van der Baan hjir foar de gemeenteried
as foar provinsjale steaten?
De hear Van der Baan protestearret tsjin dizze wize fan diskus-
siearjen.
De hear Oosterhof seit dat yn de sakewrâld somtiden fluch han-
nele wurde moat. Syn fraksje hat net folie beswieren tsjin de
proseduere sa't dy oant no ta folge is. Syn fraksje stimt mei it
brief nei de provinsje yn.
De hear Van den Berg seit dat it by dit útstel giet om de tarie-
ding en ûntwikkeling fan in mooglike GDV-lokaasje by Grou. Syn
fraksje fynt it in goede set om de provinsje dizze brief te
stjoeren om pas dêrnei te sjen hoe't de folgjende stappen wêze
sille. De ütgongspunten dy't it kolleezje yn dat brief skriuwe
kin syn fraksje mei ynstimme.
De hear Van der Meulen seit dat syn fraksje ynnommen is mei it
foarnimmen fan it kolleezje om in GDV-lokaasje mooglik te mei-
tsjen en mei de ynset fan it kolleezje. As alles trochgiet sil
it plan de o sa nedige wurkgelegenheid foar üs gemeente opsmite.
Ek sil it bydrage oan it positive ynfloed op it fêstigingsimago
fan Boarnsterhim. As ek tredden oertsjûge binne fan dit gaadlike
plak dan wol syn fraksje mei kolleezje en oanbelangjenden prate
oer de neiere ynfolling fan de GDV-lokaasje om de mooglike
negative effekten te beheinen. Syn fraksje nimt kennis fan de
negative hâlding fan Ljouwert dy't net op arguminten grûndearre
is mar op emoasjes.
De heer Jonkers zegt dat als er een GDV-locatie gerealiseerd
wordt die maar beter naar Grou kan komen. Waar zijn fractie zeer
aan hecht is het goede overleg met de GWHI. De GDV-locatie zou
wel eens de enige manier kunnen zijn om ongewenste ontwikkelin
gen in het centrum van Grou tegen te gaan.
Wethâlder De Boer seit dat it kolleezje graach in GDV-lokaasje
hawwe wol omt der in merk foar is. Ek foar de wurkgelegenheid
kin de lokaasje grutte betsjutting hawwe. De oanfraach foar in
GDV-lokaasje is wiidweidich en djipgeand besjoen. Oant twa kear
ta is der ûndersyk troch professor Bak dien. Yn it twadde rap
port is sjoen nei de kultuer-histoaryske aspekten en hokker
ynfloed de greidewinkels hawwe sille op it sintrum fan Grou.
NOT1506/O/H/BROUWERJ4