- 5 -
Grou hat in protte eigen winkels(net út winkelketens). It kol-
leezje tinkt dat de GDV-lokaasje in fersterking fan it sintrum,
mei syn eigen gesicht, hawwe kin. Dér sil seker oerlis wêze mei
de GWHI. De greidewinkels sille op syn minst 250 wurkplakken
opsmite. Dat kin ek folie mear wurde, mar it kolleezje kiest
derfoar foarsichtich mei de sifers om te gean. Der wurde ek
ôfspraken makke oer de stedeboukundige ynfolling fan it plan. Yn
it brief wurdt frege oft de greidewinkels passé yn it Streek
plan. Net eltse branche sil fertsjintwurdige wêze yn it plan en
datoangeande foldogge de greidewinkels net alhiel oan de definy-
sje GDV foar in Vinex-lokaasje. Foar Ljouwert soe it dus hiel
oars lizze. Yn it twadde ûndersyk is oanjün wêrom Grou in better
plak is as Ljouwert. Der is oerlis mei de provinsje en Ljouwert
en dat ferrint yn in goede harmony. Der is in ferskil fan
ynsjoch, mar dat taast de goede ferhâlding net oan. De GDV-
loaasje hat in sadanige útstrieling dat it mear opsmite sil as
allinne de wurkplakken yn'e winkels. In grut part fan 'e minsken
sil út de regio weikomme.
De hear Van der Baan seit dat hy it stânpunt fan 'e fraksje nei
foaren bringt. Flugge prosedueres, sa as bygelyks de V.V.D.-
fraksje wol, geane wol foarby oan de ynspraak. Syn fraksje hat
soargen oer it fersteuren fan de politike ferhâldings tusken
gemeente, provinsje en Ljouwert. It toetsen oan it Streekplan
hie op in folie ienfâldiger wize kinnen as bard is. De ûnder-
siken fan professor Bak wiene dêrfoar net nedich. Dit noch los
fan it feit dat de konklúzjes en it ynsjoch fan professor Bak 7
jier lyn hiel oars leine, doe't hy sein hat dat greidewinkels
foar Grou waansin binne. Yn it rapport steane ek tsjinstriidich-
heden. Neffens syn fraksje is it net sa ienfâldig om allegear
betingsten te stellen omt dat de konkurrinsjeposysje be-ynfloed-
zje sil. Hy hat der ek grutte beswieren tsjin dat der mar in
hiele lege grûnpriis frege wurde kin. Troch de greidewinkels
wurdt der oan de iene kant wurk skepen, mar oan' e oare kant
rint it der yn it sintrum fan Grou wer wei. Hy sprekt syn soarch
út oer de Grouster middenstân, wêrfan 1/4 op it rântsje rint,
1/4 goed buorket en de 1/2 middelmatich. Hy kin der ek net yn
leauwe dat de greidewinkels fan 250-400 wurkplakken opsmite
sille. It spyt him tige dat de wethâlder net op syn fragen
yngien is, mar blykber wol it kolleezje perfoarst op de greide
winkels ta. Hy warskôget nochris mei klam dat der mei dizze plan
nen net lichtfeardich omgien wurde moat.
Mefrou De Vries seit dat it giet om de arguminten en net om de
emoasjes. It tal arbeidsplakken dat helle wurde kin is yn de
rapporten goed ûnderboud. Yn feite giet it by dit ústel om de
ynterpretaasje -f-an it Streekplan. De politike diskusje moat op
provinsjaal nivo fierd wurde. It noasket har fraksje mar min dat
de F.N.P. sokke swiere wurden brûkt. Sy ûnderstreket it útstel
fan it kolleezje.
Wethâlder De Boer seit dat it no yndied om de politike diskusje
oer de ynterpretaas je fan it Streekplan giet. Letter sil de
gewoane proseduere foar in bestimmingsplan folge wurde. Fansels
is der dan plak foar ynspraak.
NOT1506/O/H/BROUVERJ/5
