- 6 -
Nog enkele aanvullende vragen. Er wordt gesproken over een gemid
delde prijs van f 57,00 per m2. Wat wordt er nu verkocht de eer
ste 2 jaar: goedkope of dure grond. De apparaatskosten ziet hij
graag versleuteld in het programma.
De hear Van der Meulen seit dat syn fraksje posityf is oer it
foarnimmen ta oankeap fan dizze grûn. Dit kin in goede ûntwik-
keling wêze foar de bedriuwichheid yn ús gemeente. Dizze 14 ha
lizze op ien fan de moaiste sichtlokaasjes yn Fryslân. En be-
driuwen wolle graach op sa'n sichtlokaasje sitte. Foar de earste
2 jier lykje de foarútsichten tige posityf. Dêrmei wurdt al
oanjün dat it ferantwurde is sa'n grut stik grûn yn ien kear oan
te keapjen. It stik grûn moat, sa hat it kolleezje sein, yn ien
kear oankocht wurde oars giet it net troch. En oars soe in
projektûntwikkelder wolris de winst opstrike kinne. Dizze
oankeap kin ek in positive ympuls foar it grûnbedriuw wêze. Der
wurdt in risiko nommen mar syn fraksje tinkt dat it in ferant
wurde risiko is. Sadwaande kin de wurkgelegenheid yn ús gemeente
ek wer ris posityf yn it nijs komme. Syn fraksje fynt wol dat
der hiel soarchfâldich mei de ferkeap fan sichtlokaasjes omgien
wurde moat. Dus net oan de earste de beste ferkeapje.
Wethâlder De Boer seit dat de wurden fan de hearen Jonkers en
Van der Meulen har út it hert grepen binne. De ried hat sein syn
bést te dwaan foar de wurkgelegenheid. Dit útstel komt dêr út
fuort. Neist it feit dat der oanslutend oan Biensma in moai grut
stik grûn kocht wurde kin is it ek sa dat mei dizze oankeap it
bedriuw fan Bouma ferpleatst wurde kin. Dat is foar de bedriuws-
fiering fan Bouma hiel wichtich. Om de ferpleatsing sa optimaal
mooglik ferrinne te litten hat de hear Bouma sein dat hy de grûn
yn ien kear ferkeapje wol. It terrein sil wol yn parten bouryp
makke wurde. Der is in hiel foarsichtige opset makke fan dizze
oankeap. It risiko is dêrtroch sa beheind mooglik. As de earste
7 ha flot ferkocht wurdt wurde de rintelesten foar de oare jier-
ren allinne mar leger. De eksploitaasje kin minimaal budzjetêr
neutraal ferrinne. Der is noch in lytse 2 ha op Biensma, mar dat
is net ien grut stik. It kolleezje fynt it tige wichtich dat ek
foar de eigen bedriuwen út de gemeente wei plak bliuwt om út te
wreidzjen. It kolleezje wachtet noch hyltiten op it antwurd fan
de provinsje oangeande de greidewinkels. Greidewinkels binne net
meinommen yn de eksploitaasje-opset. Der is in wurkoerlis mei
Deputearre Jansen west. Dy fûn dit in logyske útwreiding en in
passend ferhaal. De priis fan f 57,00 is in gemiddelde priis
eksklusyf. Bedriuwen rekkenje altiten mei in priis eksklusyf
B.T.W. It kolleezje komt noch by de ried mei in eksploitaasje-
opset. Dêr kin dan ek oer de priis (differinsjaasje) praten
wurde. It kolleezje sil no gjin nammen fan'e gadingmakkers
neame. It is spitich dat de hear Van der Baan net yn de kom-
misjegearkomste wie, dan hie der wiidweidich oer de sifers dy't
hy neamde, praten wurde kinnen. Ynformaasje is lykwols altiten
ek letter te krijen. By it net oankeapjen is it risiko grutter
dat in projektüntwikkelder der yn stapt. Troch it seis te dwaan
kin de ried de finger goed oan de pols hâlde.
De hear Zijlstra seit dat it wol aardich is ek ris út te sykjen
wa't de Fryslâncup krijt foar minsken dy't gjin eigen hûs hawwe.
It oersjoch yn de krante hie nammentlik betrekking op minsken
mei in eigen hûs. Hy freget him of wat no krekt de argumintaasje
fan de V.V.D. is om net yn te stimmen mei dizze oankeap.
N0T1912/0/H/BR0UUERJ/6
