- 8 -
De lear giet út fan rjochtstreeks keazen folksfertsjintwur-
digers. De praktyk is dat de gearwurking mei de plysje yn Boarn-
sterhim goed ferrint. It útstel om te wachtsjen op de lânlike
evaluaasje fan de Politiewet liket syn fraksje goed ta. Ek hy is
benijd nei de réaksje op de parseberichten oer in nije reor-
ganisaasje by de plysje.
Ek foar it stedsgewest jildt dat der spanning sit tusken lear en
praktyk. De lear seit dat der gjin helpstruktueren as in steds
gewest wêze moatte soene. It liket him de baas ta de ARHI-dis-
kusje óf te wachtsjen. Dêrby giet hy der fan út dat Boarnsterhim
Boarnsterhim bliuwt.
Hy kin him yntinke dat in protte boargers fine dat bestjoerlike
fernijing in foarm fan amtlike wurkferskaffing is. De tiid fan
praten moat no dan ek ófsletten wurde en de boargers moatte
aanst wier wat merke kinne fan dizze bestjoerlike fernijing.
Oars sil der aanst konstatearre wurde moatte dat bestjoerders in
ûnderfining riker binne en de boargers in illúzje earmer.
De foarsitter seit dat it de winsk fan bestjoerders wêze moat
dat ferbettering neistribbe en berikt wurdt en dat de minsken
dêr ek wat fan merke. It kolleezje is der hiel gelokkich mei dat
de ried op haadpunten ienriedich is. It is de muoite wurdich om
op de aksinten dy't lein binne yn te gean.
It kolleezje sil yn de réaksje it ynfieringstrajekt foar de
ferskate beliedsfjilden dat útstippele wurde moat oan 'e oarder
stelle. Dêrby sil ek omtinken jûn wurde oan de winsk om evaluaa-
sjemominten yn te bouwen.
Hy kin him yntinke dat der praten is oer wêr it foech fan it
bestjoer fan de plysje lizze moatte soe. Der leit yndied in
spanningsfjild tusken de prinsipjele en de praktyske kant
dêrfan. De ried, útsein de fraksje fan de F.N.P. wol krekt as it
kolleezje de lânlike evaluaasje ófwachtsje. It soe sûnde wêze de
topstruktuer fan de plysje hielendal oeral te heljen wylst let
ter bliken docht dat it wer oars moat. De reorganisaasje fan de
plysje dêr't yn de kranten oer praten wurdt hat te krijen mei de
fraach hoe't de basisienheden ynrjochte wurde moatte. Ek spilet
dêr de diskusje oft it distriktsbestjoer, dat tusken de basis
ienheden en de Fryske regio ynsit, der wol bliuwe moat. It léste
wurd dêroer is, ek yn de kring fan de boargemasters, noch net
sprutsen. De ried kin de foarsitter altiten befreegje op it
stânpunt dat hy yn de regio dêroer ynnimt. De posysje dy't Boarn
sterhim dêryn innimt is oars as dy fan in gemeente út bygelyks
de Súdwesthoeke.
Under it kopke ekonomyske üntjouwing fan Ljouwert is der hiel
wat sein oer de ARHI-proseduere. Mefrou Aukes hat yn har réaksje
de nota Boppeslach behelle. It kolleezje hat dy nota in pamflet
neamd. It liket him net goed dêr no oer te diskussiearjen omt it
no feitlik oer "Fryslên Fernijt" giet. Dêrneist hat de steats-
siktaris frege oan de omlizzende gemeenten fan de C-20 groep om
te praten oer de fraach oft weryndieling mooglik in oplossing
foar de stêdelike problemen wêze kin. It kolleezje fynt dat dy
diskusje plakfine moat sûnder dat der no op foarhân allegear
stânpunten ynnommen wurde. It oardiel fan Ljouwert, ferwurde yn
Boppeslach, kleuret wol it petear oer de bestjoerlike fernijing.
It kolleezje is it folslein net iens mei de arguraintaazje yn
Boppeslach. Nettsjinsteande dat sil der yn de kommisje oer dizze
nota praten wurde om de posysje fan Boarnsterhim nochris dúdlik
ûnder wurden te bringen.
N0T18MBT/0/H/HA1HJEA/8
