- 4 -
Dat léste liedt ta in hüd fol wurk en lost faaks yn de praktyk foar
in lyts part fan dy groep it probleem op, mar it grutste part bliuwt
sûnder help.
Ek tusken ried en kolleezje is in tekoart oan gearwurking. Ynformaa-
sje nei de ried ta is neffens ús beneden nivo. Sifers jowe oan dat yn
1996 der 40% minder útstellen oan de ried dien waarden yn ferliking
mei 1992. Dochs binne der frijwol gjin delegaasje- en mandaatbesluten
yn de ried nommen om soks te ferklearjen. By werhelling lizze der by
de riedstikken net de needsaaklike stikken. Fierder waard sûnder
ynstemming fan de ried ündermear in húsfestings-ûndersyk ynsteld.
Neffens ús leit der gjin riedsbeslüt datoangeandeDêrnjonken sette
wy grutte fraachtekens by de sponsoring fan in boattocht troch it
buro BMC. Soks heart de ried foarlein te wurden.
No't der noch gjin oplossing leit foar de sport en de bibliotheek
liket it ús net goed en kar de begrutting goed of it kolleezje soe op
de begrutting in ekstra post opnimme moatte ûnder p.m.
It petear mei de boargers yn de deistige praktyk is net al te bést.
Njonken it misferstean en de al mar utere klacht oer it net beander-
jen fan brieven yn twadde ynstânsje jout it kolleezje in hiel oar en
folie optimistysker lûd. Feriit yn earste ynstânsje in kommunikaasje-
plan. Dér wêr't it net goed is moat it persoaniel oansprutsen wurde.
Soargje dat de klachten op ien buro telâne komme. Lit dy man of frou
der mei réde.
Yn it kommende jier ferwachtsje wy fan it kolleezje dat der minder
ôfweken wurde sil fan besteand en wenstich belied, dat ündermear yn
de foargeande perioade nei foaren kaam yn ôfwikende besluten oangean-
de de brêgetiden, detailhandel Akkrum en Grou, handikaptenbelied, it
net weromjaan fan de fermindere reinigingskosten, de hüsfesting fan
jongeren te Akkrum, it bestimmingsplan bûtengebiet en in oan te
fjochtsjen gebrük fan it wurkgelegenheidsfûns (de Mar).
Om romtlik foar Grou ta in oplossing te kommen soene wy wolle dat it
kolleezje yn de kommende tiid de ütwreiding nei it noarden ta deeglik
ûndersiket en dan dêrby in oplossing foar de ûndermaatske brêge oer
de Rjochte Grou. Dêrby sil ek it feilichheidsaspekt foar de ynwenners
besjoen wurde moatte.
Yn it opliedingsplan soene wy oandacht freegje wolle om it Frysk
yntergraal plak te jaan. It sosjaal jierferslach sille wy graach
stypje.
Foar de abonnemintshâlders fan de riedstikken is de priis sadanich
dat in grut part it abonnemint opsein hawwe. In fergees abonnemint
leit mear foar de hân at wy de bân mei de boargers fuortsterkje wolle
en de ynteresse hanthavenje.
By it einoardiel sille wy net ynstimme mei de ferheging fan de ûnre-
plikguod-belesting en stelle wy út it taryf fan it opheljen fan de
smoargens te ferleegjen mei it bedrach dat no as "voorziening" efter-
hâlden is. Yn de mearjierrenynvestearring geane wy net mei yn de
oanlis fan betonwegen fan de Oeble-om-wei en de Meagere Weide. Dér is
in goedkeapere en better ferantwurde oanpak mooglik.
As léste fersykje wy it kolleezje plannen ree te meitsjen foar it
fytspaad Grou-Warten en yn it ynvesteringsplan alfêst derfoar in pm
post op te nimmen.
De FNP-fraksje freget it kolleezje oandacht foar de folgende saken
dy't takom jier op it aljemint komme moatte soene.
Opwurdearring faarferbining Grou/Jirnsum/Akkrum. De fanâlds besteande
ferbining tusken Akkrum en it Middelseegebiet soe nije glans krije at
stribbe wurdt nei ütwreiding fan de mooglikheden. De brêgen tusken
Grou en Jirnsum soene dan op skûtsjehichte en skûtsjebreedte brocht
wurde moatte. De Swin-Swette ferbining soe dér kreas op oanslute.
N0T1411/0/H/BR0UVERJ/4