Mefrou Veldstra seit dat har fraksje akkoart giet mei it útstel. Sy hat alle betrouwen yn de persoa-
nen dy't yn de kommisje sitte. Sy is der mei ynnommen dat der ek in oanbefelling dien wurde sil
oangeande nije ûntwikkelings oangeande de fêstiging fan lytsere AZC's.
Wethâlder Bijlsma is hiel bliid mei de moaie wurden. Noch yn de simmer sil der in útspraak frege
wurde fan de ried oer it plak fan fêstiging fan in AZC. It giet by de nije ûntwikkelings yndied oer it
ryksbelied dat de kant fan lytsere AZC's opgiet. It is teloarstellend mar ek wol begryplik dat it COA
gjin bydrage leveret oan de ûndersykskosten. De gemeente giet ommers út eigen frije wil dit ûnder-
syk útfieren.
De foarsitter seit dat it fuortgeand ynsjoch net allinne mar oer lytsere sintra giet mar ek dat de druk
fan út it ryk wei hiel grut is.
De hear Aukes freget dat as de kommisje ta it oardiel komt dat der in lytser AZC komme moatte
soe, dat dan ek oernommen wurdt.
De hear Roorda seit dat hy net foarútrinne wol op de útkomsten fan it ûndersyk.
Wethâlder Bijlsma seit dat der yn de simmer fan 1999 in winsk wie foar in lytser sintrum. Doe wie
dat net mooglik. No liket it derop dat der wat rommere mooglikheden komme.
Dan wurdt der sûnder persoanlike stimming neffens it útstel besletten.
De foarsitter slút om 22.35 oere de gearkomste. Hy betanket de leden fan de ried foar harren by
drage oan diskusje en beslútfoarming en alle oaren foar harren oandacht. Hy winsket eltsenien wol
thús.
Sa fêststeld yn de iepenbiere gearkomste
fan 27 mgdnt 2001
de siktaris,
(R.P. van der Starre)
de foarsitter,
Dijkstra)
Side 10
notulen ried 20-02-2001/absh/10