deboarn rjocht hat op dúdlikheid oangeande de mooglikheden fan wentebou wat de ferpleatsing
fan Knol oanbelanget.
Wethâlder Bouma seit dat der al in protte útlis jûn is. De antennes is in saak tusken UTD en de
provider. De gemeente keapet UTD net earder dan dat dat ta in útdragene saak kommen is. It te-
koart sil pas echt definityf dúdlik wêze as it plan definityf is. It kolleezje hat net it gefoel dat Knol
op slot stiet. Dêr sil altiten útkommen wurde. De riedskommisje sil yn kear yn it feamsjier op 'e
hichte hâlden wurde.
De foarsitter seit dat hy konstatearret dat it amendemint fan de FNP mei 16 stimmen tsjin fersmi-
ten is. Dan wurdt der sûnder persoanlike stimming neffens it útstel besletten. De hear Janse
wurdt achte tsjinstimd te hawwen.
Stimferklearing:
De hear Janse seit dat hy tsjinstimt om't de ferpleatsing fan Knol opskood wurdt en it kostet foar
de rest dat út oare saken weihelle wurde moat.
8. Utstel ta fêststellen fan it Ekonomysk Belied Boarnsterhim 2002-2006.
De hear Janse seit dat dit in goed opsetten plan is. Mar de útwurking kin noch better. Der is te
min omtinken foar de lytse doarpen. Op de ynspraakjûn yn Grou oer de struktuerfisy is dúdlik
wurden dat Grou gjin ferlet hat fan in bedriuweterrein oer it spoar. Hy tsjinnet amendeminten yn
mei de folgjende tekst: "Bepaal dat by de aksjepunten 4.1.3.6.1 en 4.1.3.7.1 lytsskalige be-
driuwsterreinen Wergea/Warten en Sibrandabuorren ek in bydrage fan de gemeente komt lykas
by in tal oare bedriuweterreinen. Reden: As de gemeente net byspringe kin sawol finansjeel as by
it ûntwikkeljen bestiet der grutte kâns dat de bedriuwen út de lytse doarpen ferdwine." "Lit ak-
sjepunt 4.1.3.1.4. planûntwikkeling bedriuweterrein Grou-West ferfalle. Reden: De ynwenners
fan Grou ha by de ynteraktive ynspraak op de "Struktuerfisy Grou" oanjûn dat Grou net oer it
spoar moat, noch mei wentebou noch mei ynsdustryterrein. No kosten meitsje is weismiten jild".
De hear Zijlstra betanket it kolleezje foar dit keurich útwurke útstel. Syn fraksje freget it kolleezje
ek foar oare lytse doarpen as Sibrandabuorren en Aldeboarn mooglikheden foar lytsskalige be-
driuwichheid ta te stean.
De heer Jonkers zegt dat zijn fractie dit een degelijk beleidsplan vindt. Eén puntje van kritiek. Bij
de Oedsmawei Grou mist hij de doorsteek naar het huidige bedrijventerrein. Hij kan zich voorstel
len dat er meer pro-actief naar die bedrijven was gereageerd.
Wethâlder Bouma betanket de ried foar de wurdearjende wurden. Oangeande de mooglikheden
foar de lytse doarpen hat it kolleezje oanjûn der der wer in mooglikheid komme moatte soe om it
wurkgelegenheidsfûns wer oan te foljen. Dat is wat oars as subsydzje jaan oan bedriuwen. As
bedriuwen ferpleatst wurde fanwegen bygelyks it miljeu dan sil besocht wurde dêr subsydzje foar
te krijen. Dêr is gjin ferskil tusken de gruttere en de lytse doarpen. De grûnpriis moat dan lykwols
net folie leger wêze as de priis op de besteande bedriuwsterreinen. Der stiet dat de helberheid
fan Grou-West ûndersocht wurde moat yn de perioade 2002-2005. Grou is wol it iennichste
doarp yn ús gemeente dat in regionaal sintrum is en dat grûn op foarried hawwe mei. It kolleezje
stipet dêrom it amendemint fan de hear Janse net. As foarbyld fan lytse doarpen binne yn it plan
Sibrandabuorren en Aldeboarn neamd en in kombinaasje fan Wergea/Warten. It stiet yn prinsipe
iepen foar de lytse doarpen, mar dan wol nei de aard en skaal fan it doarp. Untwikkelingen fan
bedriuwen op de Oedsmawei hawwe in rol spile en der binne ek petearen mei dy bedriuwen.
De hear Janse seit dat it him om de mooglikheid foar de lytse doarpen giet. Dat is tasein, dêrom
is syn amendemint ynlutsen. As it kolleezje tasizze kin dat der net earder mei it helberheidûnder-
Side 6
Document3/absh/6