De foarsitter: lepent de gearkomste wer en freget mefrou Verkerk nei befining.
Mefrou Verkerk: De kommisje hat de betrouwensbrieven yn oarder befûn.
De foarsitter: Giet oer ta beneaming en beëdiging fan de hear S. van der Meer as plakferfangend
lid. Lést de belofte yn it Nederlânsk foar.
S. van der Meer: Dat verklaar en beloof ik.
7. Foarstel oangeande herikkere belied Doarpshuzen en in oanfoljende subsydzje foar
doarpshûs It Kattehûs te Jirnsum
De foarsitter: Wiist derop dat de foarsitter by dit foarstel wethâlder Jonkers ferfangt.
Roorda: Fynt it in goed foarstel. Bringt it kolleezje en benammen wethâlder Jonkers tank foar de
flotte fertaling fan de riedsbrede winsk. De doarpshuzen binne it klopjend hert fan it doarp. Dit
stik is in wurdearring foar de bestjoerders en frijwilligers. It Kattehûs makket as earste gebrûk fan
de nije regeling. Dat is terjochte foar de brede ynset en de multyfunksjonele opset dêr.
Bijlsma: Kin him fine yn it subsydzjebelied. Lykwols muoite mei twadieling doarpshuzen en multy
funksjonele sintra. De wethâlder hat wol tasein dat hy romhertich omgean sil mei de regeling,
mar it leit net fêst. By nij- en ferbou is der yn it ferline wolris wat ekstra's oan de doarpshuzen
tabedield. Wiist op Friens (koe him úteinlik seis réde) en de 100.000 ekstra foar Raerd. De Bu-
orkerij yn Terherne sit noch yn ferbou en hat yn april om bydrage frege yn û.o. troch gemeentlike
easken ûntstiene tekoart fan 16.000. It kolleezje wiisde dat óf, omdat de maksimale subsydzje
fan fl 75.000 al brûkt wie. Wie de oanfraach te betiid? It Kattehûs krijt no wol de ekstra
10.950. Der ûntstiet sa rjochtsûngelikensens en de FNP tsjinnet dêrta in moasje yn. Lést de
moasje foar. De tekst fan de moasje is sa: "De ried fan de gemeente Boarnsterhim, yn syn gear
komste fan 21 oktober 2003, yn omtinken nimmende dat: - ferskate doarpshûzen yn de gemeen
te Boarnsterhim yn it ferline ferbou en nijbou realisearre hawwe en dit, mei help fan subsydzje
fan de gemeente Boarnsterhim, finansjeel ôfdutsen hawwe; - der wolris mear subsidiearre is as
dat der neffens it belid koe (Raerd 100.000,00); - der besletten wurde kin om, ek al leit der
dan gjin konkrete oanfraach, It Kattehûs te Jirnsum ekstra te subsidiearjen neffens it nije belied;
- der konkreet ferlet is en der ek in konkrete oanfraach leit fan De Buorkerij te Terherne, dy't yn
totaal foar 235.690,00 nij- en ferbout en dêrta al earder 34.033,00 ûntfongen hat; beslút
oan De Buorkerij te Terherne, lykas it Kattehûs te Jirnsum, in ekstra subsydzje ta te kennen fan
10.950,00 te dekken út de Reserve Wolwêzen, en giet oer ta de oarder fan de dei"
Bouma: Kin him wol fine yn de kadernotysje. Hie frege nei ferskil yn terminen tusken gemeente
(10 jier) en provinsje (15 jier) en nei dúdlikheid oer mooglik oanpaste bydragen. It kolleezje moat
goed nei it doarpshûs yn Terherne sjen en stipet de moasje fan de FNP.
Portefúljehâlder Dijkstra: De kaders jouwe oan wat de ried wol. De fraach is wêr it nije belied
begjint. De ried is altyd ree om te besykjen oplossings foar problemen te finen. Yn de kommisje-
gearkomste hat de ried dúdlik it begjin lein fan it nije belied by it Kattehûs yn Jirnsum. Men kin
net alles út it ferline yn de nije feroardering belûke. By funksjeferoaring of ferbreding it belied yn
de takomst opnij besjen. Untriedt de moasje. De provinsje lit wol yn him omgean om oare getal
len te hantearjen, mar der lizze datoangeande noch gjin konkrete saken foar, wêrtroch oft de
feroardering oanpast wurde moatte soe.
Twadde termyn
Roorda: Ynstimming mei it nije belied. Yn de kommisjegearkomste fan 7 maaie is oer it belied
praat. Op 20 maaie hat de oanfraach fan it Kattehûs oan de oarder west. De oanfraach fan de
Pagina 2
04. Ferslach 21-10-2003/absh/2