De hear Janse (FNP): It giet yn de notysje ek om permanint brûkte rekreaasjewenten. De no-
tysje is oanset om dit gebrûk te regeljen. De FNP is yn prinsipe tsjin it omsetten fan de be-
stimming rekreaasje nei de bestimming permanint. As it net oars kin, dan moat der in oplos
sing socht wurde. Troch tasizzings út it ferline (foar de Herne, de Achte, Utbuorren en Lou-
wer om 'e Tún) is sa'n situaasje ûntstien. Foar Louwer om 'e Tún wurdt yn de notysje allinne
de bestimming rekreaasje neamd, wylst PB en bewenners wize op it tastean fan permaninte
bewenning yn it ferline. De FNP wol witte yn hokker stikken dat allegearre stiet en de stikken
ek ynsjen. De kommisje artikel 10 kin oanjaan oft de permanint bewenne rekreaasjewenten
fan de kontinginten ôfgeane of net. Kin de ried it bestimmingsplan noch wizigje as it stânpunt
fan de provinsje neidielich is foar de kontinginten? De notysje is ek beliedsfoarmjend foar de
rest fan de gemeente. De gefolgen dêrfan kin de FNP net oersjen. En wat is it ferlet oan re
kreaasjewenten as alle of in grut part fan de rekreaasjewenten in permaninte bestimming
krije? Moatte der nije rekreaasjekompleksen yn it bûtengebiet ûntwikkele wurde? De FNP kin
him fine yn de regulearingsmoooglikheid (kar nr. 3). De fraksje hat der wol muoite mei dat
troch dizze notysje 9 yllegale sjalets legaliseard wurde. Oan de yllegale bou moat in ein mak
ke wurde. Der is sprake fan frijstellingsmooglikheden (steancaravans nei rekreaasjewenten).
Dy soe der net wêze moatte. De wethâlder hat sein dat soks net koe op de Sâltpoel en op
Oan 'e Poel. Dy dúdlikheid jout de notysje net. It soe dan ek net jilde moatte foar de strân-
camping. De neamde kwaliteitsferbettering is in goede saak. Mar hoe kin soks garandearre
wurde? Kin meigean mei de PvdA om it punt fan de permaninte bewenning der earst út te lit-
ten.
Mefrou Verkerk (VVD): Is bliid mei it foarstel. It tal toeristyske kampearplakken moat bestean
bliuwe. De VVD dielt de miening fan de feriening 'Vrij Wonen': frijstelling foar permaninte
bewenning as der oan de technyske ynrjochtingseasken foldien wurdt en as der mei ynstim-
ming fan de gemeente yn it ferline boud is. De permaninte bewenning wurdt tastien op grûn
fan it gewoanterjocht. De bewenners binne faak âlderen dy't earder har foarige wente al foar
de wenningmerk fia ferkeap ta beskikking steld hawwe. Foar nije rekreaasjewenten jildt it
folgjende: dy meitsje ûnderdiel út fan in rekreaasjekompleks mei in ferplichte bedriuwsmjittige
eksploitaasje en meie net ôfsûnderlik ferkocht wurde. Der wurde nochal wat wenten as per
manint bestimd en it is ek foar de VVD de fraach wat foar gefolgen dat hat foar de kontingin
ten. Binne der mooglikheden foar ynwreiding en senioaren, sadat it past binnen it kader fan
de provinsje? It mei gjin ferdringingseffekt hawwe. Allinne de wenten oan it Kupersleantsje
foldogge oan de bestimming rekreatyf. De VVD is bliid mei de gearwurking fan de 4 ûnder-
nimmers om de kwaliteit fan de campings te fergrutsjen. Fynt de beneaming 'vakantiewonin
gen/stacaravan' ferwarrend. De steancaravan moat in goedkeap fakânsje-alternatyf bliuwe.
'Vakantiewoning' feroarje yn byg. 'chalet'. Der moatte dúdlike begrinzingen oanjûn wurde. It
stik lit hjir en dêr noch wat saken iepen. Dúdlike hanthaving by sjalets (70 kante meter). De
VVD kin har fine yn de 50 sjalets foar de strâncamping. De plannen fan Smit sjogge der goed
út, mar it kin neat wurde as der gjin goede alternativen foar de bewenners komme. Oan 'e
Poel bliuwt in moaie lokaasje foar in camping, mar de kwaliteit moat ferbettere wurde.
Mefrou Troost (GB): Bliid mei de kwaliteitsslach foar de rekreaasje yn Terherne. Oan 'e Poel is
in prachtich plak foar toeristysk kampearen. Hat muoite mei de legalisaasje fan de 8 sjalets op
de strâncamping. Der sil goed op de hanthaving let wurde moatte. Ek goed de kontinginten
yn de gaten hâlde oangeande de permaninte wenbestimmingen fan de rekreaasjewenten. Is it
iens mei it útstel fan de FNP op dit punt.
De hear Van der Meulen (CDA): Is wiis mei de notysje. No moat de kwaliteitsslach makke
wurde. De diversiteit yn de rekreaasje-mooglikheden moat bestean bliuwe. De ûndernimmers
moatte har brea fertsjinje kinne. De notysje hat der aardich inlykwicht yn fûn. De gearwurking
Pagina 9
04. Ferslach 17-02-2004/absh/9