BOARNSTERHIM
gemeente
Ferslach fan de gearkomste fan de ried fan de gemeente Boarnsterhim hâlden op tiisdei 12 okto
ber 2004 om 20.00 oere yn de kantine fan de OSG Sevenwolden, Burstumerdyk 5 te Grou.
Oanwêzich:
Foarsitter: de hear Y. Dijkstra
Griffier: de hear M. Frensel
De riedsleden:
fan de PvdA: mefrou J. Dekker-Hoogeveen, mefrou M.E. Minkes, de hearen J.R. Soeten, A.J. de
Vries en J. Roorda
fan GB2000: mefrou T.D. Troost-Akkerman, de hearen N. Boringa, J. Hemminga en S. van der
Meer
fan de VVD: mefrou E. Verkerk (oant punt 11), de hearen S. Bouma en M. van der Sluis
fan it CDA: de hearen G. de Jong en D. van der Meulen
fan de FNP: de hearen S.G. Janse en A. Bijlsma
De leden fan it kolleezje fan boargemaster en wethâlders:
mefrou K. van den Berg-Wiersma, mefrou J. Bouma-van den Brink en de hear H.A. Jonkers
Mei kundskip ôfwêzich: de hear J. Gerbrandij (CDA)
1lepenjen
De foarsitter hyt elkenien wolkom.
2. Gelegenheid om te sprekken oer punten fan de wurklist foar boargers
Der wurdt gjin gebrûk fan makke.
3. It fêststellen fan de wurklist
De hear Van der Sluis (VVD): Wol graach punt 9 fan de wurklist ôffiere. Der stiet yn it foar-
stel dat it om in frijstellingsfersyk giet, mar it giet om in funksjewiziging fan de agraryske be-
driuwsgebouwen. Der hat nea oerlis west mei de oanfreger oer dit punt. Der is sa kâns op
rjochtssaken. Hy jout it advys om in mediator oan te stellen om ta in oplossing te kommen.
De foarsitter stelt fêst dat GB en de FNP it foarstel fan de VVD stypje. It wurdt fan de wurk
list ôffierd.
4. It fêststellen fan it ferslach fan de gearkomste fan 21 septimber 2004
De foarsitter: It ferslach wurdt sûnder wiziging goedkard en fêststeld.
5. Ynkommen stikken
De foarsitter: Der wurdt konfoarm besletten.
6. Foarstel om yn te stimmen mei Kaders speeltuinenbeleid
De hear Roorda (PvdA): De boarterstunen binne wichtich foar de Ontwikkeling fan de bern. De
bern moatte feilich boartsje kinne. Hy is it iens mei de punten 2 en 3 fan it foarstel. Der in
strikte skieding tusken taken fan de gemeente en de boarterstúnferienigingen. Der ûntbrekt in
stikje ferantwurdlikheid fan de gemeente yn dy gefallen dêr't noch gjin boarterstún of boar-
terstúnferieniging oanwêzich is, lykas yn Boarnstee te Nes. Op de plankaart is der al grûn foar
oanjûn. It inisjatyf fan ynwenners fan Boarnstee is ôfbrutsen troch bewenners dy't it dêr op
04 Ferslach 12102004/absh/1