Wethâlder Van der Meulen: Der komt by de perspektyfnota fierdere ynformaasje.
Wethâlder De Vries: By de projekten bringt men de saken breed yn byld. By it ynstellen fan it
grûnbedriuw wie it de yntinsje om goede saken te dwaan. Hy wol ûntstride dat der gjin plannen
west hawwe. Partijen hawwe har lykwols weromlutsen. In earste stap is dan it ôfboeken. Men sil
fêst de mooglikheden benutte kinne foar de takomst. Der sil in helberheidsûndersyk oer Grou-
Noard en Warten oan de ried foarlein wurde. En der komt in Ontwerp grûneksploitaasje en der
komt in wersjenning fan de projekten. It kolleezje wol op in realistyske wize mei it grûnbedriuw
omgean. De gemeente sil har miskien wat saakliker opstelle moatte as yn it ferline.
De hear Bouma (VVD): It kolleezje hat ek in ferline bepaalde advizen krige en net opfolge. Hoe
realistysk is it om it no wol te dwaan? Men hie yn it ferline de oanbefellings better opfolgje
kinnen.
Wethâlder De Vries: Men kin net feroarje wat yn it ferline bard is. De kommende wiken sil bliken
dwaan hoe realistysk it is. Der binne ôfspraken makke hoe't de dielnimmende partijen de
tekoarten by de SteandeMêstrûte ferdiele. It út de tiid rinnen is ien fan de oarsaken fan it tekoart.
Wêrom soe Boarnsterhim foar it bedrach opdraaie moatte? Der is genôch oanlieding om dêr mei
de provinsje oer te praten.
Wethâlder Minkes: De werstrukturearring is mei ien hammerslach troch de ried kommen. Men
moat jin ôffreegje hoe't de projekten har ferhâlde ta de finânsjes. De wrâld is ek komplisearder
wurden. Men hat O.o. mei kontinginten, in stêdeboukundige fisy en BOS-L te meitsjen. It giet net
allinne om it jild mar ek om de ynhâld.
De hear De Visser (PvdA): De werstrukturearring Grou en Akkrum soe yn 5 jier ôfskreaun wurde.
Wêrom no yn ien kear?
Wethâlder Minkes: Der is op in bepaald momint in balâns opmakke. It is ek keppele oan de
riolearring. It giet yn de werstrukturearring net allinne om wat de gemeente wol mar ek om wat
de minsken wolle. It momint fan oplevering fan wenningen is bepalend foar it tal wenningen. Sy
wol it noch wol eefkes tsjekke.
De hear Galama: As it min giet dan geane de ferliezen faak nei grutte hichten. Wat ferwachtet
men foar de kommende jierren? In algemiene reserve fan 2,5 miljoen is tige wichtich. Hoe sjocht
men de begrutting 2007 no't der gjin dekking út de algemiene reserve fûn wurde kin?
Twadde termyn
Mefrou Dekker (PvdA): In goede fersteander hat mar in heal wurd nedich. De PvdA stipet de
keuzes fan it kolleezje. Men wol nei de takomst sjen. Sy is dan ek bliid mei de wurden fan mefrou
Veldstra. De ried moat yn syn gehiel de skouders der Onder sette.
De hear Seldenrust (FNP): De PvdA hat fan 1984 óf diel út makke fan it kolleezje. Leit it no oars
by de PvdA-fraksje?
Mefrou Dekker (PvdA): Dêr soe men it net oer hawwe moatte. Sy fynt it net ferstannich om by
de âlde kolleezjes del te gean.
De hear Seldenrust (FNP): De PvdA hat altyd diel útmakke fan it kolleezje. Is it dan no oars by de
fraksje fan de PvdA as earder?
Pagina 8
1 04 ferslach 12062007/absh/8
