Wethâlder Van der Meulen: It is op guon plakken wat minder benammen yn in wiete perioade De
rinte-opbringsten yn de eksploitaasje binne berekkene.
De hear Bouma (VVD): Is it in reeël bedrach?
Wethâlder Van der Meulen: Hy sil dêr skriftlik antwurd op jaan. Oangeande gearwurking: it
kolleezje sil it evalueare en dan mei ynformaasje nei de ried komme. De petearen ferrinne posityf.
De lésten foar de spoarwei-oergong moat men no wol opnimme. It wie earder net by elkenien
bekend.
Der giet net earder in skeppe yn de grûn en net earder in slopershammer pakt foardat de ried in
beslút nommen hat.
De hear Bouma (VVD): De wethâlder giet foarby oan de neamde bedraggen op side 11
Wethâlder De Vries: Der bydrage fan 10.000 euro stiet los fan de reguliere bydrage. Men sit yn
Fryslân yn in yngewikkelde diskusje hoe om te gean mei de VVV's. De easken binne lanlik foar
de VVV omheech skroeve. Men sit no yn in oergongsfaze. De 10.000 euro is in ynsidintele
bydrage om foarearst de status fan de VVV te garandearen. De fêste bydrage oan de VVV wurdt
net yndekseard.
De post foar it Riedhûs fait frij by ferkeap en oerdracht. Men wachtet op it definitive plan en dan
kin men de prosedueres foar de Hellinghaven starte. De inisjatyfnimmers binne dwaande mei it
oprjochtsjen fan in stichting foar behear en ûnderhâld. Dat léste sil neffens him dit jier noch svn
beslach krije.
Yn 2013 wurdt it kompleks Grut Palma ôfrûne. Yn 2012 sil dan wierskynlik de iepenbiere romte
oanklaaid wurde.
Men kin it ûnderhâld oan de gebouwen en terreinen ek oer 10 jier ôfskriuwe. Men moat derfoar
soargje dat de akkommodaasjes foldogge oan de easken fan de tiid. Men is yn petear mei de
tennisferiening yn Raerd. Men sjocht op dit momint hoe de kosten binnen de feriening opfongen
wurde kinne. Nei de privatisearring sil dy begrutting fan de tennisferiening der oars útsjen
moatte. De petearen ferrinne konstruktyf.
De hear Bouma (VVD): It ûnderhâld kin men dus faseard útsmarre?
Wethâlder De Vries: Ja. It kolleezje hat oanjûn wat de skea fan stopjen by it Fryske Marreprojekt
is. It levert ek yndirekte skea foar de mienskip op want der is al in protte enerzjy troch
alderhanne maatskiplike partijen yn stutsen. Finansjeel is de skea sa dat men foar elke euro dy't
men der net yn stekt, men 1,76 euro kwyt is. Men hat ek op in handige wize saken binnen it
Fryske Marreprojekt brocht dy't men oars ek dwaan moatten hie lykas it ûnderhâld oan brêgen.
De provinsje hat gelokkich in iepen hâlding en Boarnsterhim wol besykje dat út te fieren wat
binnen de finansjele kaders past.
De hear Hemminga (GB): Hy kin him foarstelle dat wannear't men healwei in projekt is dat men
der de stekker dan net útlûkt. Oer de noch net útfierde ûnderdielen moat de diskusje noch fierd
wurde oft it wol winsklik is dat it útfierd wurdt. Dy iene euro moat wol betelle wurde.
Wethâlder De Vries: Dat is yndied sa. Mar men moat wol kritysk sjen nei de skea as men it net
docht. Men soe mooglikheden besjen moatte om jild te besparjen troch bygelyks in tichte brêge
ynstee fan in beweechbere brêge te nimmen. Oare wurken kinne faaks letter útfierd wurde Guon
saken kin men lykwols net lizze litte.
It Tomke-projekt is foar 2007 opnommen. De ried hat dêrfoar keazen, mar der is net oan keppele
wêr't it jild weikomme moat. Dêrom is it net útfierd.
Pagina 7
1 04 Ferslach 03072007/absh/7
