De hear Hemminga (GB): De dekking fan alle ûnderdielen fan it Fryske Marreprojekt moat noch
oan de oarder komme. It moat dus neffens him noch troch de ried.
Wethâlder De Vries: Hy tocht dat it kolleezje oars tige helder kommuniseard hat oer de brêgen yn
Akkrum en oer de Himdykbrêge yn it bysûnder. Yn augustus 2007 hat men it oer de hichte fan in
fêste brêge op 1.80 m hân. Foar de út te fieren ûnderdielen hat it kolleezje de finansjele dekking
en de goedkarring troch de ried krigen. It kolleezje hat tige iepen west oer de projekten yn Ak
krum. Der sille fansels altyd wat tsjinstanners wêze. Hy tinkt dat it hiel ferstannich is om it op
dizze wize op te lossen. It is wiidweidich mei alle belutsenen bepraat.
De hear Bouma (VVD): Men hat it der yndied op 9 oktober oer hân, mar men moat noch 8 ton
oanfoljende middels hawwe foar it Fryske Marreprojekt. Der is dus gjin sprake fan in folsleine
dekking.
Wethâlder De Vries: Dy is der wol want de 8 ton is foar oare projekten bedoeld, û.o. foar de
Sylsbrêge yn Jirnsum. Men sit yn de oanrin nei de definitive gunning en in stop op it projekt soe
tige ferfelend wêze. Troch opskowing soe ek de ferbouwing fan Leppehiem yn gefaar komme
omdat it bouferkear oer dy brêge moat. Doedestiids hat it kolleezje de ried in foarstel dien om de
brêge oer de Polsleat op 2.50 m te setten. De ried woe dat fia in amendemint op 1.50 m sette.
De sloepen wurde grutter en men wol foar de takomst ek in sloeperûte foar dy gruttere sloepen
mooglik hâlde mei in hichte fan 1.80 m. Hy hopet dat it kolleezje dêr draachflak foar krijt. PB fynt
ek dat men stribje moat nei in sloeperûte Himdykbrêge, Buorren, Polsleat fan 1.80 m. PB fynt dat
it kolleezje der wol in ynspanning foar leverje moat fia oerlis mei de omwenners. Der sil in protte
foar weromkomme as men dy hichte fan 1.80 m oanhâlde kin. It jout in ympuls oan de wetter-
sport yn Akkrum.
Mefrou Dekker (PvdA): Wie yn 2005 de noarm foar in sloep 1.50 m?
Wethâlder De Vries: Der kinne hiel wat sloepen ûnder dy hichte troch. No wurdt binnen it Fryske
Marreprojekt, as dat mooglik is, foar 1.80 m keazen.
De hear Bouma (VVD): PB hat wol wiisd op it útbliuwen fan de werstrukturearring fanwegen de
jildpine. In hegere brêge sil dochs mear kostje.
Wethâlder De Vries: Men hat noch gjin sketsen en rûzings fan de kosten fan dy brêge. It ferskil
liket him marzjinaal. Foar de brêge yn de Himdyk komt it del op in ferskil fan 9.000 euro. It kol
leezje kin net alles tagelyk en wol dat oanpakke wat men behappe kin. De 1.80 m kin technysk
realisearre wurde en by PB is dêr ek draachflak foar. Men moat iepen stean foar nije ûntwikke-
lings en it kolleezje wol graach de romte om it mei de ynwenners fan Akkrum te bepraten. Oer it
alge' ien komt men der by soksoarte kwestjes goed út. Alle fragen fan GB binne al beäntwurde
en hy ferwiist dêrby ek nei it stik fan 22 april.
De hear Riemersma (FNP): De sloeperûte bestiet út 3 brêgen. Hoe komt it mei de brêge yn de
Buorren? Hy nimt oan dat men dy brêge pas oanpakt as men út de brêge oer de Polsleat is.
Wethâlder De Vries: Sa tinkt it kolleezje der ek oer. Technysk moat it mooglik wêze om nei dy
hichte ta te gean. Mar earst de brêge oer de Polsleat en dan dy oer de Buorren. Dêrfoar earst
graach de oanpak fan de Himdykbrêge.
De foarsitter: Vraagt de raad om reacties.
Pagina 3
1 03 Ferslach riedsgearkomste 14 maaie 2008/odab/3
