en het college hoopt in elk geval dit jaar nog helderheid te krijgen over hoe dat verder moet. De
raad wordt daarover geïnformeerd.
2. Foarstel om in oanfraach yn te tsjinjen foar in oanfoljende útkearing út it "Gemeentefonds"
(Artikel-12 Gemeentewet)
3. Foarstel oer de fisy op finansjeel "herstel" 2010-2015 (sanearringsfisy)
Dizze beide punten wurde yn ien kear behannele.
De hear Van der Woude merkt op dat yn it útstel finansjeel werstel stiet dat sjoen wurdt nei de
oarsaken fan it ûntstean fan de negative reserve. En dan stiet der dat dat liede kin ta negative
korreksjes. Hoe moat de PvdA dizze léste regel léze en ferstean? Kloppet it dat de mearjierresifers
2010-2015 eksklúsyf de artikel 12-bydrage, de te ferwachtsjen koarting op it gemeentefûns en
de te ferwachtsjen reade potleadstreken fan de ynspekteur gemeentefinânsjes binne? At dat sa
is, hoe heech skat it kolleezje dan de kâns yn dat de saneamde sanearringstaakstelling heger
wurdt as de 4,8 miljoen dêr't no sprake fan is. De PvdA hat it idee dat de kâns op in hegere
taaksanearring grutter is as in legere. Dielt it kolleezje dat gefoel? It kolleezje hat in foarset jûn
hoe't dy 4,8 miljoen fuortwurke wurde kin. De partij freget him óf hoe reëel at dat is. Is in
werstelperioade fan fiif jier yn de praktyk wol helber? At wy it ha oer in taakstelling fan 4,8
miljoen besunigje, is it de bedoeling dat soks al foar de earste kear folslein realisearre wurdt yn
2010? Of wurdt it bedrach fan 2010 óf stadichoan opboud oant it bedrach fan 4,8 miljoen yn
2015? De rie hat krekt ekstra jild frijmakke foar it begjin fan in ynhelslach yn stappen om it
achterstallich ûnderhâld op in minder min nivo te bringen. Us wurdt no al wer frege om dat
bedrach substansjeel werom te bringen. Kin it kolleezje him foarstelle dat dat us sear docht,
freget de sprekker. Kloppet syn ynskatting dat de fêststelling fan de ûnderhâldsnivo's aanst net
mear troch ús mar troch it Ryk bepaald wurdt? It kolleezje makket in nijsgjirrige opmerking yn it
stik oer it kaderstellend foech fan de rie as it giet om de begrutting, benammen at wy de kêst 12-
status ha. Kin it kolleezje yn it koart oanjaan hokker oare foegen fan de rie en mooglik ek fan it
kolleezje seis ónder druk komme te stean as wy de situaasje fan kêst 12-gemeente ha? Kin it
kolleezje dan ek ris neitinke oer deselde fragen, mar dan yn relaasje ta ús kontrolearjende
funksje? Neffens de PvdA sil dat ek op tal fan saken net mear wurde as in lege huls.
De hear Bouma merkt op dat de VVD foar it grutste part deselde fragen hat as de PvdA. De partij
freget him ek óf at je sjogge nei de mearjierreramings yn 2015 en it tekoart, oft we dat net
earder al ombóge moatte. De rol fan de rie wurdt feroare, dér hat de hear Van der Woude ek al
nei ferwiisd. De foarnommen besunigings wurde yn grutte halen sketst. Yn hoefier is dér gebrók
makke fan de plannen dy't it foarige kolleezje hie?
Frou Veldstra beheint har ta punt 3.6.2. Neffens har is it útstel dat foarleit in technyske
oanfraach foar in kêst 12-status. De earste stap dêrta wurdt no yn gong set. De FNP is tige
benijd nei in ferfolchtrajekt en wachtet it fierdere proses en de projektoanpak óf.
De hear Riemersma hat in opmerking oer punt 3.6.3. De globale fisy finansjeel werstel giet oer de
perioade 2010-2015 en hy ferwachtet dat de 4,8 miljoen yn dy perioade realisearre wurdt. It
ferskil mei it rapport Bouwmeester is dat wy in mindere opbringst yn de ónreplik saakbelesting ha
wolle. Dat is fiif ton en dat klinkt de sprekker tige sympatyk yn de earen. Wy wolle noch wat
ekstra's helje yn de hersjenning tarekkening yndirekte kosten fan 0,3 miljoen. Hy nimt oan dat it
kolleezje dêr goed oer neitocht hat en dêr in mooglikheid ta sjocht. Bouwmeester lókt ek noch 2
miljoen út foar in lytsere ferheging, wylst wy útgean fan 2,2 miljoen. Dit lykje him heldere
foarstellen; de FNP kin hijr wol mei libje.
De hear Zijlstra seit dat it fersyk ta in artikel 12-oanfraach in logysk ferfolch is op it foarige
agindapunt, de begrutting. It hie om it CDA wol in jier earder kinnen en hat dat ek oanjón. De
partij hat wol de yndruk dat dat no dochs noch mei dóbele faasje regele wurdt en dat it
ministearje ek fan plan is om dêroan mei te wurkjen. It CDA freget him noch wol óf oft in
eventueel weryndielingsbeslút yn desimber effekt ha kin op dy artikel 12-jildstream, yn hichte en
yn snelheid.
Pagina 5