komme kinne ta in ferfolchbeslút. Pas dan nimt it CDA in beslút oer hoe't dat der op de kaart
útkomt te sjen. Foar it beslút yn febrewaris sil it kolleezje ferfolchpetearen oangean mei de
oernamekandidaten. Fan dizze gemeenten wol it kolleezje wite hoe't it doarpsbelied regele is, de
finansjele posysje, en de fisy op de weryndieling. Dit is wat te frijbliuwend, fynt de partij, want
we wolle mear saken wite. It CDA hat in pear gesprekspunten op papier set dy't nei foaren
komme moatte as betingsten by de weryndielingsûnderhannelings. Dan wite de
oernamekandidaten fuortdaliks wêr't se oan ta binne en dan wite wy as rie ek wat we oan ús
buorgemeenten ha. Dizze gesprekspunten binne getten yn in moasje. De ferskate identiteiten fan
de doarpen meie net ûndersnije yn in nije gemeente. It plattelânskarakter fan ús gemeente moat
behâlden bliuwe mei omtinken foar it agrarysk gebrûk en de wettersport. It CDA ferwachtet fan
de nije gemeente dat elk doarp in doarpskoördinator kriget en dat moat in persoan wêze mei
foech en in eigen budzjet. It CDA wol dat de doarpen fan de nije gemeente in wurkbudzjet krije
kinne foar lyts ûnderhâld en lytse rekreative foarsjennings. It foarsjenningsnivo mei net fierder
ôfnimme, omdat dizze foarsjennings al yn de nije sintrumplakken oanwêzich binne. De nije
gemeenten moatte de doarpen stimulearje om har doarpsfisys te aktualisearjen en foar de nije
gemeenten moatte de doarpsfisys as rjochtline tsjinje foar de ûntwikkelingsrjochting fan de
doarpen.
- De tsjinstferliening oan de boarger mei der troch de weryndieling net op achterút gean.
Dêrom pleitet it CDA foar servicepunten yn doarpen as Grou, Akkrum en Poppenwier, ófhinklik
fan de yndieling fan de nije gemeenten.
De hear Seldenrust merkt - by ynterrupsje - op dat it CDA yn dizze moasje nochal wat easket.
At omlizzende gemeenten hjir net oan temjitte komme wolle yn de ûnderhanneling mei út
kolleezje, is it CDA dan fan miening dat we dan mar selsstannich bliuwe moatte?
De hear Zijlstra seit dat je yn in ûnderhannelingstrajekt bepaalde punten meinimme moatte. We
moatte dêrby net te leech ynsette.
De hear Van der Woude merkt - by ynterrupsje - op dat de rie frege hat om in ûndersyk nei in tal
aspekten te dwaan. Hy tinkt dat it CDA hjirmei in stap fierder giet en fynt it hiel sterk útdrukt.
De hear Hemminga merkt - by ynterrupsje - op dat er by dizze punten de yndruk krijt dat wy
earder oare gemeenten oernimme as oarsom.
De hear Bouma seit - ek by ynterrupsje - dat it him ek fernuveret. Hy kin him foarstelle dat in
doarp in bepaalde identiteit hat, en dat dat net ôfhinklik is fan de gemeente. Hoe sjocht Zijlstra
dy bedrigings? It kolleezje seit al dat der skrast wurde moat yn in tal foarsjennings, wylst Zijlstra
seit dat we dy oerein hâlde moatte. Hy tinkt dat dat foardegek-hâlderij is.
De hear Zijlstra seit dat de identiteit yts is dêr't de nije gemeente ek oan meiwurkje wol. It
foarsjenningsnivo hâlde is in opdracht nei de nije gemeenten. Bygelyks fuotbalfjilden moatte ek
yn de doarpen bestean bliuwe en moatte net nei it sintrumplak ta gean. N.o.f. de opmerking fan
Van der Woude seit er dat it CDA it foarstel fan it kolleezje ûnderskriuwt. It ûndersyk stiet dêryn
en de trije punten. It CDA fynt dat te frijbliuwend.
De hear Van der Woude freget him óf oft Zijlstra wyt hoe't it hiele trajekt fan in
weryndielingsbeslút rint. De boargemaster hat wolris sein dat we net mei de pet yn de hân nei de
buorgemeenten gean. Wy dogge dat rjochtop, mar mei in grutte mûle komme we ek net safier.
We ha neat te easkjen.
De hear Zijlstra seit dat we wol wat te bieden ha en dat is in prachtige gemeente. Hy kin him
foarstelle dat oare fraksjes de moasje noch oanfolje kinne mei in pear punten.
De hear Seldenrust tinkt dat we earder punten skrasse moatte.
De hear Zijlstra seit dat we it dêr tusken de earste en twadde termyn oer ha kinne. Hy lést de
moasje foar.
De raad van de gemeente Boarnsterhim, in vergadering bijeen op 15 december 2009,
Overwegende,
dat de gemeente na het herindelingsbesluit van 15 december 2009 zal worden opgedeeld
over meerdere gemeenten;
Pagina 6
