BOARNSTERHIM
Griffie
Ferslach fan de gearkomste fan de ried fan de gemeente Boarnsterhim hâlden op tiisdei 16
novimber 2010 om 19.30 oere yn de Riedseal fan it gemeentehûs oan de J.W. de Visserwei 10
te Grou
Wurklistpunt 4.1, begrutting 2011.
Oanwêzich:
Foarsitter: de hear T. Baas
Griffier: de hear A.G.M. Rutten
GB2000: de hearen J.R. Galama, P.T.L. Jonker en S. van der Meer
PvdA: mefrou P.M. Esser en de hearen R. van der Woude en T. de Boer
FNP: mefrou L. Veldstra-Lantinga en de hearen S.S. Posthumus en W. Witteveen
VVD: de hearen S. Bouma en M. van der Sluis
CDA: mefrou A. Meinderts-Goinga en de hear J.S. Zijlstra
D66: mefrou A.W. Nugteren-Schell en de hear M. Frensel
GroenLinks:
It kolleezje fan boargemaster en wethâlders:
De wethâlders de hear F.A.J.M. van Beek, mefrou H.J. de Haan-Laagland en mefrou M.A.J.
Jager-Wöltgens
Gemeentesiktaris: de hear G. Heeringa
Ofwêzich (mkó): de hear J. Hemminga en mefrou G. Rozema
4. BESLUTFOARMJEND
4.1 Begrutting 2011
De hear Galama merkt op dat de programmabegrutting 2011 posityf slút. Der stiet lykwols noch
goed tritich miljoen oan âld ûnderhâld. Struktureel hat Boarnsterhim de begrutting yn 'e macht.
Ynsidintele lésten, lykas achterstallich ûnderhâld, bliuwe de kommende jierren as lésten
meirinnen. It hâldt pas op at Boarnsterhim opdield is. It foarstel ta it ôfboeken fan de goed tsien
miljoen aktiva jout struktureel wol wat lucht, mar bliuwt de kommende jierren as ynsidintele post
meirinnen. Salang't de ôfboeking fan it noch net troch artikel 12 bydragen fan it kompensearjen
fan de rinte, deryn stiet bliuwt dit in gat yn de begrutting. Boarnsterhim is wol yn de beneaming
foar opheffing en weryndieling. Op de nijjiersresepsje yn Terherne noch gjin twa jier lyn, waard
noch it 25-jierrich bestean fan Boarnsterhim betocht. De takomst fan de gemeente stie doe noch
net ta diskusje. Finansjele problemen tsjinnen har wol gau oan en doe waard de takomst oars. En
doe wie der noch mar ien opsje: weryndieling fan Boarnsterhim. Yn koarte tiid is in soad wurk
fersetten om alles wer op de rails te krijen, sadat struktureel de begrutting wer yn lykwicht is. De
negative delgong is foaral feroarsake troch net-lykwichtich belied yn it ferline. It is in ûnmooglike
put om de hiele achterstén fan de strukturele lésten op te lossen. Fandêr de wichtichheid fan de
artikel 12-status. At wy de lésten net op de skouders fan de boargers lizze wolle, dan is
weryndieling de iennichste opsje. Boarnsterhim moat yn syn koarte besteansperioade noch goed
1,4 miljoen besunigje, wol de begrutting yn 2014 posityf slute. GB2000 giet derfan út dat de
kommende jierren alles wer fierder rint en dat de beide skoallen ek ris boud wurde. De skoallen
binne noch net boud en we ha no wat ekstra jild út de romte fan de skoallen, sadat ek de
ynfrastruktuer realisearre wurde kin. Dat is in gelok by in ûngelok, seit de sprekker. GB2000 kin