De hear Posthumus seit dat it kolleezje ús oant no ta hiel goed ynformearre hat. It kolleezje hat
ús al ynformearre dat der dizze wike en begjin desimber wer in oerlis wêze sil. De FNP freget
harren om oan de hân fan dy oerlizzen ferslach út te bringen, sadat wy de finger oan de pols
hâlde kinne. At it kolleezje dat tasizze kin, dan is der wat de FNP oangiet, neat oan 'e hân en lukt
de fraksje de moasje yn.
De hear Zijlstra freget oft de moasjes dan net oan krêft ynboete.
De hear Posthumus tinkt fan net. Hy fynt de bibliobus in hiele wichtige maatskiplike foarsjenning.
At dat fuortfalle sil, prate we oer hast 900 bern dy't dat misse moatte en in gebiet fan 8000
ynwenners dy't dan gjin biblioteekfoarsjenning mear ha sille. Hy giet no fierder mei syn betooch.
Healwei takom jier sil de evaluaasje fan de gearwurking mei de gemeente Ljouwert der lizze. Kin
it kolleezje tasizze dat dat stik nei de gemeenterie ta giet foardat de gearwurking ferlingd wurdt.
De FNP wol graach in goed oersjoch fan alle foar- en neidielen, kosten en opbringsten. De ôfslach
fan de A32 by Idaerd rjochting Grou-Noard kin it bedriuweterrein fan Grou in oppepper jaan, tinkt
FNP. De fraksje is der net perfoarst op tsjin, mar dan net mei gemeentlik jild, omdat it dan op
kosten gean kin fan oare foarsjennings. Prosedureel is it de léste kear wat knullich ferrün mei de
memo oer de brêgejilden, fynt de fraksje. It briefke lei hjir samar op tafel. It giet om in hiele
grutte ferheging, mei hast 82% yn ien jier. Ferskate partijen, Doarpsbelang Warten, de
Wettersportferiening út Akkrum en ek it Wettersportferbûn ha dêrop ynspraak levere. Se wize der
ûnder oare op dat út it oersjoch fan oare gemeenten bliken docht dat gemiddeld 1,20 betelle
wurde moat foar de brêgejilden. It risiko is dat wettersporters no wer en masse oer it PM-kanaal
farre sille. De FNP wol net oan it kader komme dat der leit foar de besunigings op de brêgejilden.
Mar kinne we dat net fasearre dwaan, bygelyks yn twa jier? Earst 1,60 en dêrnei it folsleine
bedrach. It útstel dat der no leit is net bot klant- en toeristfreonlik. De lésten fan de
brêgebetsjinning binne op jierbasis 1,7 miljoen euro. Wêr sit de grutste kostepost en kin dêr net
better op de kosten besunige wurde, yn stee fan dizze ekstra lésten foar de brêgen? De fraksje
komt dêrom mei in amendemint. It liket op dat fan D66, mar dan justjes oars omdat FNP in
fasearre ferheging foarstiet. It beslút fan it amendemint is:
- it brêgeji/d foar de trije neamde brêgen yn Akkrum en Warten yn 2011 per trochfeart te
ferbeegjen nei 1,60 yn 2011 en yn 2012 nei €2,=;
- en it kolleezje te fersykjen om mei faasje mei alternative dekkingsfoarstellen te kommen út it
bedrach fan 1.683.000 euro foar brêgebetsjinning
en giet oer ta de oarder fan de dei (amendemint 3).
De hear Zijlstra begrypt dat de FNP in oplossing siket foar it hege bedrach. Mar wat soe it effekt
no oars wêze oer fiif jier at je it bedrach fasearre ferheegje? Makket it wat út?
De hear Posthumus seit dat út de ynspraak komt dat partijen dit wol in hiele fikse ferheging fine
en dan ek noch sa abrupt yn ien jier. De fraksje fynt dat dat yn elk gefal yn in pear jier útsmard
wurde kin. Wat it op lange termyn útmakket, is net it grutste ferskil.
De hear Van der Woude freget wat dan de mearwearde fan de fasearring is. De advizen dy't we
fan bûten krigen ha is gemiddeld 1,20. Wêzenlik helpt sa'n fasearre ferheging net ien, seit de
sprekker.
De hear Posthumus seit dat de FNP net yn ien kear de 82% ferheging oanbringe wol, mar 40%
en yn 2012 nei twa euro.
De hear Galama merkt op dat we werom kinne nei in pear jier lyn. Giet it gesinsbudzjet fan
minima omheech at der twa euro betelle wurdt foar in boatsje yn plak fan 1,20? Wat is it
effekt fan sa'n ferheging? Hoe fierder je fuortfarre, hoe mear je betelje moatte.
De hear Posthumus begrypt Gemeentebelangen no net mear. Twa wike lyn sei de hear Galama
dat GB2000 akkoart gong mei de ferheging fan de brêgejilden. En no seit er, terjochte neffens de
sprekker, dat it sosjale aspekt wichtich is en it in gigantyske ferheging is.
De hear Galama merkt - by ynterrupsje - op dat dat net kloppet. Hy hat sein dat GB2000
akkoart giet mei de ferheging. FNP begjin te knibbeljen en dat de boatsjeminsken wat minder
betelje moatte. Dy twa euro is lykwols nedich om it totaal foar de gemeente op peil te krijen,
tinkt de sprekker. Wat is dan if effekt fan it beknibbeljen op it brêgejild op de totale begrutting?
Pagina 4