BOARNSTERHIM
Griffie
Ferslach fan de gearkomste fan de ried fan de gemeente Boarnsterhim hâlden op tiisdei 12 april
2011 om 20.00 oere yn de Riedseal fan it gemeentehûs oan de J.W. de Visserwei 10 te Grou
Oanwêzich:
Foarsitter: de hear T. Baas
Griffier: de hear A.G.M. Rutten
GB2000: de hearen J.R. Galama, J. Hemminga, P.T.L. Jonker en S. van der Meer
PvdA: mefrou P.M. Esser en de hear T. de Boer
FNP: mefrou L. Veldstra-Lantinga en de hearen S.S. Posthumus en W. Witteveen
VVD: de hear S. Bouma
CDA: mefrou A. Meinderts-Goinga en de hear J.S. Zijlstra
D66: mefrou A.W. Nugteren-Schell en de hear M. Frensel
GroenLinks: mefrou G. Rozema
It kolleezje fan boargemaster en wethâlders:
De wethâlders de hear F.A.J.M. van Beek, mefrou H.J. de Haan-Laagland en mefrou M.A.J. Jager-
Wöltgens, gemeentesiktaris de hear G. Heeringa
Ofwêzich:
M.k.ô: de hear M. van der Sluis (VVD)
3. MIENINGSFOARMJEND
3.5 Foarstel oangeande voortgangsrapportage herindeling
De hear Hemminga dielt mei dat Gemeentebelangen stiet foar har eardere útspraak dat De Alde
Feanen meigiet nei Ljouwert. Oangeande de finansjele situaasje soe hy graach wolle dat de partners
wêr't Boarnsterhim yn opgiet harren útsprekke dat hja fertrouwen hawwe dat Boarnsterhim skjin
opleverd wurdt per 1 jannewaris 2014.
Oangeande de klankbordgroep fynt hy it wichtich dat de ried en ek de ried fan oare gemeenten,
benammen Leeuwarden en Heerenveen, derby belutsen wurde.
Hy dielt mei dat Gemeentebelangen folslein efter it foarstel fan it kolleezje stiet.
De hear Van der Woude jout oan dat de PvdA fynt dat De Alde Feanen oergean moatte nei
Ljouwert. Oangeande de finansjele situaasje merkt hy op dat yn it rapport artikel 12 de garânsje jûn
wurdt dat Boarnsterhim skjin oplevere wurdt. Hy jout ek oan dat der omtinken wêze moat foar it
personiel dat oergiet nei de gemeente SúdwestFryslân en Skarsterlân.
Hy fynt it jammer dat de ried net belutsen west is by it útsykjen fan in projektlieder omdat dy in
wichtige posysje hat oangeande de ynformaasjefoarsjenning nei de ried ta. Mei klam jout hy oan dat
aktualisearre doarpenfisys opnommen wurde moatte yn de "Visie". Ek moat de griffier in rol krije yn
de projektorganisaasje.
De klankbordgroep soe bestean kinne út de fraksjefoarsitters út de rieden fan Boarnsterhim,
Heerenveen en Leeuwarden.
De PvdA fynt dat in delegaasje fan de ried belutsen wurde moat by de seleksje en kar fan in
eksterne foarsitter.
Foar de rest kin de PvdA ynstimme mei it foarstel.
Mefrou Veldstra jout oan dat de posysje fan De Alde Feanen troch in demokratysk beslút tot stân
kommen is, dit docht ek bliken út de ynkommen brief fan de doarpsbelangen Warten, Wergea,
Grou.
Neffens de FNP is de planning krap en frege wurdt at de wurkgroepen al út ein set binne en ek at
der al in projektlieder beneamd is.