Stiet, yn forgelyk mei it bigjin hwat yn tsjinstelling, sa't ik it op langere
termyn sjoch, foarsitter, hooplik is it sa, dat it oars komt, as ik nou tink,
mar dan leafst yn positive sin.
De sykte fan wethalder Benediktus hat meibracht dat de rie forsjoen hat de
hear Terpstra as tiidlik wethalder op syn plak to bineamen. De tobekset fan no
koartby is eanstich. Fanöf dit plak Benediktus en de neisten krêft en sterkte
tawinske yn dizze muoilike tiid, dy't hja no trochmeitsje.
In tongerslach üt de kleare loft wie de meidieling fan it weromlüken üt'e
rie fan de hear Vledder. Neist de wurdearring oan syn adres as wethalder en as
riedslid is it nou fan de oare kant wol sa, myn twifels to hawwen yn hoefier de
op ien doel rjochte oppositionele rol fan Vledder nammers de hiele fraksje fan
de P.v.d.A. biareaun is. Hawar, foarsitter, dit kaem ek allegear oars as dat we
ea tocht hiene, miskien stiet üs yn 1977 wol "de grote verzoendag" to wachtsjen,
weryn wethalder Draisma rehabiliteart wurdt., foar al datjinge hwef't er polityk
sjoen troch bütanspul set is.
De Nij-Djipskoalle is yn it öfroune jier yn gebrük nommen, it nije ünder-
kommen fan "Hummeltsjehonk" en op dit mêd "Ukkepukkeplak" as boartersplak yn
Wergea ha bydroegen oan it tal forsjennings hwat üs gemeente sa stadichoan bisit.
De strjitnanmen en adressearing krigen ek har bislach en net to forjitten de
Fryske plaknammebuordenwermei it bütegebiet oan alle easken en winsken biandert.
Idaerderadiel jowt mei dit léste tsjüge de saek fan it Frysk yn'e omgong en oan'e
wei uterje to wollen. Yn novimber 1974 hat de rie ek bisletten in stap to dwaen
it Frysk yn üs riedsstikken yngong fine to litten. Der is doe bigoun de wurklist
en in punt üt'e wurklist yn't Frysk op to nimmen. Yn'e mande mei de Fryske
Akademy soe neigien wurde to kommen ta in forantwurde taelgebrük fan de rieds
stikken yn it Frysk. Hoe stiet it dermei?
In twadde stap soe neffens de F.N.P. dy wêze om yn elts gefal al datjinge hwat
yn de rie yn't Frysk sein wurdt, yn de oantekens yn't Frysk wer to jaen. Yn it
oankommende jier soe'k it kolleezje der op oanstean wolle in foarstel yn dizze
trjochting to dwaen.
Lang om let binne de bistimmingsplannen Roardhuzum en Wergea troch Deputearre
Steaten goedkeard. In tasizzing wermei binammen Roardhuzum ütwreidzje kin sa as
dat yn üs bilied past. Fan provinsjale side wurdt oantrune it bistimmingsplan
bütegebiet stül to jaen. It is üs bikend, dat yn ynventarisaesje oer alles hwat
dêr op en ta hSld plak foun hat. Ien en oar hat in bulte mei üs agraryske
Ündernimmingen to meitsjen. Hwat stiet it kolleezje foar eagen, mei al datjinge
dat der yn regele wurde sil, bilanghawwenden, sa as de kritekommisje fan üs
stünorganisaesjesas de pleatselike bilangen, ek ynsprekke to litten? It soe
fan bilang wêze dizze bifiningen yn it üteinlike riedsfoarstel to bilüken. De
reaksjes nei oanlieding fan in ütstjüring foar de Rono oer de Burd hienen der
hwat fan as soe it gemeentebistjür dit probleem op syn biloop litte. It bislüt
yn 1975 mocht de skyn dan ha, n.l. de tarieding om de bistimming oan de Nauwe
Grêft to wizigjen,nearne mei to meitsjen hie, yn wëzen hold it wol deeglik yn
hwat wissichheit to krijen fan de kant fan it Provinsjaal biwald. Yn dat andert
is oanjown, dat öfsjoen wurde moat fan in fêste forbining mei it fêste lan, mar
in swierdere pont ta de reëlere mooglikheden biheart in kans fan slagjen to
hawwen. Ut it foargeande moat fansels net oflaed wurde, dat in gemeentebistjür
har fierdere meiwurking oan dizze forsjenning ünthSlde sil. Oan ein kommen fan
dizze sköging noch in inkeld wurd oer üs nije postkantoar. As bouwurk slüt it
myn ynsjens treflik oan by de omjowing. Oerweagt it kolleezje ek de mooglikheit
de suggestie fan de F.N.P.to bisjen it frijkommende gebou foar gemeentlik museum
to ornearjen.
Ta bislüt de winsk dat 1977 üs in bulte goeds bringt, mei de hope dat der
net to folie oars komt, as dat wy der fan forwachtsje.
Ik haw sein"
