him dêrom de baas en lit dit fia de Feriening fan Fryske Gemeenten rinne. Ek mei
om't der noch wat dingen ütsocht wurde moatte. Fierder fynt er dat de gemeenten
sa sterk mooglik nei foaren komme moatte yn dizze saak en as it dan troch fer-
skate partijen regele wurdt, dan giet it petear nei alle gedachten yn 'onderling
gekrakeel' ünder. Fierder moat it net in algemien ferhaal wurde om't men dan by
de 'roependen in de woestijn' te lane komt en dat kin ek net it doel wêze.
De foarsitter fernimt üt de wurden fan de hearen De Wolf en Knossen dat hja net
alhiel tsjin binne op it idee, mar hja fine dat it net allinnich 'kretologie'
wurde moat. It moat ünderboud wurde mei reële gegevens. Hy wol dêrom de
suggestje dwaan oan de P.v.d.A. om dat mei te nimmen yn it brief.
Mefrou Faber seit dat dat in hiele goede suggestje is om dit mei te nimmen yn
it brief oan de initiatyfnimmersHja ferwachtet lykwols net dat der op dy
gearkomste samar wat yn de romte roppen wurdt. Hja tinkt dat dêr dan ek wol
gegevens nei foaren komme sille.
De hear Terpstra hat der noch wat swierrichheden mei. Der kin net oantoand
wurde dat de gemeenten in ünevenredich part leverje moatte yn de besunigingen
Soe der al in brief üt namme fan de ried ferstjoerd wurde dan soe hy dochs jerne
earst de ynhald fan dat brief sjen wolle.
De hear Bouma seit dat it net needsaaklik is om de ynhald fan dat brief wurdlik
te kennen. It moat in brief wurde mei de strekking dat de ynhald fan it iepen
brief ünderskreaun wurdt en mei it fersyk om de stellingen, sa't dy yn dat brief
steane, op de iepenbiere gearkomste te ünderbouwen mei sifermateriaal.
Dan is it net allinnich mear in teoretysk ferhaal, mar dan komme ek de feiten
nei foaren.
De foarsitter seit dat der stimd wurde sil oer it ütstel fan de P.v.d.A. om in
brief te skriuwen oan de initiatyfnimmers om in iepenbiere gearkomste te halden
oer de besunigingen fan de gemeenten. Yn dat brief sil ynstimd wurde mei it
organisearjen fan sa'n gearkomste en fierders sil der yn frege wurde oft op dy
gearkomste de initiatyfnimmers de stellingen üt de iepen brief ek mei sifer
materiaal ünderbouwe kinne, sadat it ek wat konkreter wurdt. Fierders kin nei
oanlieding fan in opmerking fan de hear Knossen de suggestje dien wurde om dit
fia de Feriening fan Fryske Gêmeenten rinne te litten.
Met 9 stemmen voor en 2 stemmen tegen wordt het voorstel aangenomen. De tegen
stemmen waren van wethouder mevrouw Aukes en de heer Terpstra.
Mededelingen.
Nei oanlieding fan punt 2 seit mefrou Faber dat hja fynt dat de besunigingen en
de gefolgen dêrfan as in reade tried troch dizze gearkomste rinne, mar dat is
net de reade tried fan it sosialisme.
Earst by punt 2. 11 en no by punt 3. 2. en straks by punt 7 sil der praat wurde
oer de gefolgen fan besunigingen. It stiet hjir hiel saaklik meidield en ek yn
de stikken is de saaklike ynformaasje te finen. Dit is ek allinnich mar bedoeld
as meidieling oan de ried en dêr hoecht ek net mear fan makke te wurden, mar der
giet foar de jongerein wol hiel wat fersküle efter sa'n meidieling. Troch dizze
maatregel wurde in protte jongelju ofhinklik fan harren partner of harren alden.
Hja moatte harren hüs opsizze of it opgarre jild opmeitsje. Hja ferlieze harren
selsstannigensDêrmei rekket it de problematyk fan punt 7: krijt elts yndividu
de romte?
It giet hjir om in wetswiziging mei fiergeande gefolgen, wêr't de ried net folie
oan dwaan kin. Sprekster fynt it in hiele swiere yngreep foar de jongelju ünder
23 jier. Men stiet der net altyd by stil wat der efter sa'n saaklik berjocht
fersküle gean kin en dêrom woe hja dat no efkes nei foaren bringe.
