Bijlage II.
Bij itcpmeitsjen fan 'e algemiene beskôgingen foar dit jier kin it net oars
dat min bigjint mei noch ris krekt nei to gean hwat fis fraksje forline jier
nei foaren brocht hat oan op- en oanmerkingen, fraegen,winsken ensf. bij de
algemiene beskôgingen doe. En it moat sein wurde dat as min de ynhâld fan us
alg.besk. fan doe "toetsen" giet oan hwat der dit jier fan utfierd is, dan
wol hwer't min mei bigoun is ta utfiering to bringen, wij net ûntefreden
binne.
Wij ha forline jier nochal hwat omtinken joen oan 'e saek fan 'e "meerjaren-
planning". It spyt Gs, dat it kolleezje ek dit jier wer sizze moat (seit)"
Wij binne der troch oare drokte net oan ta kommen". Wol ynnommen binne wij mei
de tasizzing, dat it yn 'e bidoeling leit, dat de konsept-urginsjelist yn 'e
gearkomste fan jannewaris bihannele wurde sil. Wij bliuwe nammentlik fan
biiinken dat it kommen ta sa'n "planning" - en dus ek fan in bigreating oer
in oantal jiaren - it nimmen fan ad-hoc bislûten foar in great part foarkomt
en dat min as rie, as groep en as burger in better sicht kriget op hwat wij
mei elkoar wolle en kinne. Yn forban mei it opstellen fan boppeneamde urgins-
jelist wolle wij noch wol sizze dat it us hwat tsjin fallen is dat sawol de
V.V.D, as de F.N.P. naat as hast neat oan de troch it kolleezje opmakke list
taheake ha. Us fraksje mient dat de partijen, dy't net sit ha yn it deistich
bisjûr sa'n kâns net foarbij gean litte kinne. As min sels neat ynbringt wurdt
it praeten oer hwat oare groeperingen ynbrocht ha net "geloofwaardiger" en soks
is jammer. Us fraksje forwachtet nou dat wij yn *t bigin fan it oare jier
yn goede gearwurking mei elts dy't der mei to krijen hat, komme kinne ta it
opstellen fan in "meerjarenplanning". Uteraerd is it ek us net ûntgien dat de
groei fan 'e bifolking, toneisten bij 1it ôfroune jier net west hat hwer't
wij de leste jierren oan wend wiene. Dat hjirre sprutsen wurde kin fan 'n
"stagnatie" - mei oare wurden fan in tydlik opkearen fan 'e groei - doare wij sa
net to sizzen. Wij binne fan miening dat de ekonomyske situaesje en de dertroch
Gntsteane sociaele situaesje foar it greatste part fan de minsken, nou net daliks
liede sil ta in tanimmend forhuzjen nei bûten de sted en/as it keapjen fan in
hûs der. It liket us fierderis ta dat it wizigjen fan 'e Loftfaertwet wol der
ris liede kin ta in needsaeklik "bijstellen" fan 'e gemeentelike beleidsnota foar
safier it de Romtelike Oardering oangiet. Yn forban mei de R.O. hat it us fraksje
goed dien to konstatjearjen dat it kolleezje de struktuerskets tige bijsteld hat
hwerbij de groei net mear as utgongspunt foar it tilied jildt.
De "leefbaerheit" as it "wolwêzen", saeken dy't ek troch de struktuerskets foar
Fryslân as utgongspunt hantearre wurde, wurde deryn nei us betinken dochs wer
sterk "vertaald" yn streefgetallen foar de greatens fan kearnen en forsoargings-
gebieden. Spitich genoch lizze de ûnder- en boppegrinzen derbij noch safier ut
elkoar, dat in "gericht" beleid nei us miening net mooglik is.Wij binne dan ek
bang dat de gemeentelike struktuerskets noch net foldwaende beantwurdzje sil oan de
bihoeften ta in stjûrmiddel foar it belied.
Kommende op it mêd fan it ûnderwiis wolle wij noch der ris utsprekke bliid to
wêzen mei it oannimmen fan it kolleezje-foarstel ta de bouw fan 'n nije skoalle
foar it iepanbier ûnderwiis yn Britsum. Dat min in paar moanne lyn bigoun is mei
de bou fan de twadde skoalle foar it bisûnder ûnderwiis docht us deugd. Wy hope
dat der aversaesje yn 'e bou sit, sadat de husfestingsperikels foar dizze skoalle
sa gau mooglî'k foarbij binne.
Hwat us as fraksje tige spyt is it feit dat min net tagelyk mei de bou fan dizze
skoalle al dy foarsjenningen oanbringe lit, dy't de lûdsoerlôst sa lyts mooglik
meitsje. Wij miene dat it bistjûr, faeks yn gearwurking mei it kolleezje, ek nou
noch prebearje moat hjirfoar jildmiddelen to finen.
Wij miene wol, dat min bij de bou fan nije skoallen yn 'e takomst de ûtkomsten fan it
C.B.S. oangeande de skoalbifolking tusken de jieren '72 en '92 goed yn 'e gaten
hâlde moat.
Sjoen it weromrinnen fan it berteoerskot forwachtet dit buro yn dizze tweintich
jier hast in weromrinnen fan de skoalbifolking mei 50%, as mei oare wurden in
klas fan 30 leerlingen nou is in klas fan 15 yn '92.
Hwat de skoalbegelieding oangiet binne wij ynnommen mei it feit, dat de rie bislet-
ten hat ta to treden ta it Mienskiplik Sintrum en dat min op 'e ein fan it jier
gemeentelik ek oergien is ta it ynstallearjen fan in stjûrgroep. Wol ha wij it
