Ut namme fan de P.v.d.A. seit mefrou Stolte it folgjende;
It maetskippelik barren kin, troch de beskikking oer de moderne kommunikaesje
middels, oan hast gjin minske foarby gean.
Wy kinne heare en sjen dat yn forskate dielen fan de wrald, de rjochten fan
de minske mei fuotten trape wurde, de martelingen binne der in gefolch fan.
Tôt it jier 2000 sille per dei san 100.000 minsken .stjerre fan de honger
Bielden fan al dizze ellende wurde us dageliks foarhalden. In gefoel fan
unmacht en skamte bekrûpt jin, as min betinkt dat wy meienoar forskrikkelik
hurd drave, mar blykbaer wol de forkearde kant ut, en dermei ta de konkluzje
komme, wy sitte yn een systeem dat de earmen earm hald, en de riken al mar
riker makket en der wy oan mei dogge.
Koartlyn hawwe wy ùt de parse fornimme kinnen, dat as er op nasionael en
internasionael nivo, gjin nije spul- en leefriegels komme, op it mëd fan de
handel, (dat forwachtsje de minsken mei sicht hjirop) in regelrjochte hannels-
oorloch net te kearen wèze sil, en in krisis as yn 'e triticher jierren gâns
yn de hân wurke wurdt.
It oerliz en de beslutfoarming oer dit soart fan saken, leit net op e wei
fan de gemeenten.
Sels komt men er op nasionael nivo net ut. Al sunt maart 1958 bestiet it
Europees Parlemint dat as taek hat, om op Europeesk en wraldnivo, in goede
gearwurking ta stân te bringen.
De besetting fan dat Parlemint barde op ondemokratyske wize, n.l. troch
oanwizing fan de leden troch de nasionaele folksfortsjinwurdigingen. Der komt
no foroaring yn. It neijier fan 1978 of it foarjier van 1979, dan kryt eltse
burger it rjocht, mei to dwaen oan de rjochtstreekse forkiezings fan dit
Europeesk Parlemint.
De Nederlanders meie 25 leden beneame, en de gemeenten krije een bisundere
forantwurdelikheit..hj.irien, n.l. de burger dudlik meitsje hwat foar roi
Europa spilet yn harren deistich libben, en hoe slim ôfhinkelik harren takomst
is fan die hechte gearwurking yn Europeesk en wrâld forboan.
De gemeenten krije ek sels yn aloan greatere mjitte to krijen mei oer de grins
rikkende fraechstikken, sa as ekonomyske untwikkeling, wurkgelegenheitensf
Us fraksje wol er dan ek op oandringe, om as gemeentebistjur dizze forkiezings
goed ta te rieden, troch de burger tidich to forsjen fan ynformaesje hjieroer,
hwant ek dat is een eask die stelt wurdt, sil de demokraesje goed wurkje.
De burger heart er ek by belutsen te wurden, hwant dizze foerkiezings binne
net minder wichtig as die foar Prov.Steaten en Gemeenteried. Slimmer noch, yn e
takomst sille de mooglikheden fan de gemeenten mear as oan t nou ta, ofhingje
fan de beslissings dy der nommen wurde.
Dejinge under us, dy san 4 of 5 périodes riedslid west hawwe, witte, dat de
problematiek wer de gemeenten mei te krijen ha, yn gans opsichten foroare is.
Beperkte it riedswurk him tweintich jier lyn op 'n inkelde utsundering nei ta
binnen de gemeente, hj-eed de dei wurdt us miaiing freege oer saken liek as.
it Streekplan for Fryslân, it Integrael Struktuerplan voor het noorden des Lands
en wurd er oannommen dat men ienige kennis hat fan de Wet op de R.O. en de
Milieuwet, rapporten oer Folkssounens en Wolwêzen en net to forjitten de pro
blematiek roun de gem. Weryndieling.
It is miskien goed efkes te herheljen, dat ek wy us utsprutsen ha foar it
selstannich fuortbestean fan de gemeente, mar der is foar us wol een foarwaerde
oan forboun, en wol, dat it mooglik wêze moat, it gemeentlik apperaet sadamch
ta te rêsten, dat er in goede en aktieve tsjinstforliening foar de befolking
mooglik is. en beslissende en utfierende taken by de gemeente bliuwe kinne.
It fjirder gean mei de Regio sil foar us ynhâlde dat^wy de Regio sjen wolle as
oerliz en gearwurkersorgaen. Ailes hwat de gemeente ôfskouwt oan taken, bitsjut
in utholling, en in stap nei it foarmjen fan greatere gemeenten. Ut it stimmen
fan de Reg. opheltsjinst fan smoargens, bliekt dat meerdere gemeenten er sa oer
tinke.
- 2 -