Beslutelist fan de riedsgearkomste fan 29 jannewaris 1987.
Oanwêzich: mefrou G.Visser, de hear J.Teitsma, mefrou M.Glas,
de hearen J.Eisenga, O.Faber, S.Ladenius, J.v.d.Ende,
H.A.J.Boersma, E.Roorda, S.Jansma en de wethâlders
J.G.van Rijn en W.Visser.
Foarsitter: de hear H.Boschma
Siktaris de hear J.P.v.d.Kooi
Mei kundskip ôfwêzich: de hear R.A.Ketellapper
Bân I - 0000 m.
-0-0-0-0-0-0-0-0-0-0-
1. Fêststelling fan de beslutelist fan de riedsgearkomste fan
18 desimber 1986.
De hear Boersma merkt op dat op side 4 yn de 5e sin it wurd "troch"
feroare wurde moat yn: "tusken".
De hear Roorda merkt op dat by punt 18 de hear Boersma oanstien hat
op in dieselmotor.
De foarsitter seit dat hjiroan foldien is.
De beslutelist wurdt fjirder ûnferoare fêststeld.
De ried giet akkoard mei it fersyk fan de hear Faber om earst de
punten 5 en 10 oan de oarder te stellen.
5. Utstel oangeande it bestimmingsplan bûtengebied. 87/4
0118 m.
De hear Roorda fynt dit in muoilik taganklik utstel mei sjoen it
taalgebrûk. Der is sprake fan in "intégrale herziening".
Wer kin it mei ta, sadat in wurkber stik ûntstiet? Jo moatte
neffens him net tefolle oeral helje.
De hear Boersma is ek fan betinken dat it in dreech stik is om
te lêzen. Hy is mei it kolleezje fan betinken dat berop gjin
sin hat.
Ferskate dingen meitsje it tige dreech om utwreidingen pleats
fine te litten. Hy pleitet der foar te prebearjen safolle mooglik
op de praktyk yn te spyljen.
De hear Faber mient dat it bûtengebiet sa'n bytsje as hillich
gebiet ferklearre wurdt.
Hy kin it foar in grut part iens wêze mei it beskermjen fan be-
paalde belangen mar fynt oan de oare kant dat der wolris in
bytsje te min begrip is foar wat der barre moat.
It modernisearjen fan bedriuwen bringt feroaring mei him mei.
Der is no neat mear te dwaan tsjin it fêstlizzen fan behearsk-
gebieten. Yn de takomst sil dit wol in tal fan hersjennings
freegje.
- 2 -
