V
LEEUWARDERADEEL
GEMEENTE
Agindapunt: 7
Utstelnr90/124
Stiens, 24 septimber 1990
Underwerp
moasje FNP oangeande de mannichte
offal dy't mar oanwint.
Oan
de gemeenterie
Yn de gearkomste fan 30 augustus 1.1. hawwe jimme bygeande moasje fan
de FNP-fraksje under eagen han.
Dy fraksje hat frege - en der is posityf op antwurde - dy moasje no yn
jimme ried op it aljemint te bringen.
Oer dy moasje merke wy it neikommende op:
- it giet hjir om in lanlik probleem.
Wat dat oangiet wurdt troch de oanbelangjende partijen al meixnoar
oerlein. Dat hat ek al in tal maatregels/ofspraken opsmiten.
- de oanpak fan dy problematyk sil hast altyd gearhingje moatte mei it
opheljen en ferwurkjen fan offal (skieden ynsammeljen)Yn dat ferban
sil in isolearre aksje fan dizze gemeente net folle doel hawwe en is
yn alle gefalien in oparbeidzjen mei de gemeente It Bilt in eask.
- op lokaal nivo (regio en mienskiplike reinigingstsjinst) wurdt al
wurke oan in belied dat oerienstimt mei de yntinsjes dy't de moasje
utsprektDer heart ek it tebekkringen fan it gebruk fanjjedoelde
ferpakkingsmaterialen by, it ynfieren fan alternativen derfoar en it
oerlis mei pleatslike undernimmers
- it wolslagjen fan de maatregels op dat med hinget foar it grutste Par^
of fan in mentaliteitsferoaring op grutte skaal. It realisearjen der-
fan ferget tiid fansels. It measte resultaat wurdt berikt as dy mentale
feroaring massaal syn beslach kriget.
It hat derom net folle doel dat us gemeente mei syn struktuer en omfang
dat probleem allinnich oanpakt (wat wurdt der net in soad winkele yn
Ljouwert, Sint Anne en oare plakken)
Wy binne ree om yn de periodike kontakten mei it bedriuwslibben yn us
gemeente en yn de mienskiplike reinigingstsjinst en/of de regio oan de
beskreaune problematyk noch mear omtinken te jaan.
Fierders binne wy fan betinken dat wy mei us belied op dat stik fan saken
op'e goede wei binne.
De moasje fersterket u$ belied net.
It oannimmen fan de moasje sil feitlik ynhalde:
in opdracht ta it oanskerpjen fan it belied op pleatslik nivo. Foar us
gefoel stiet it effekt derfan noch tige yn'e kiif.
Wy hawwe derom alhiel gjin ferlet fan dy moasje en slagge jimme foar dy
net oer te nimmen.
Dat alles hat neat te krijen mei de ferantwurdlikheid dy't us kolleezje
en jimme ried hat foar dat beliedsmed.
Boargemaster en wethalders fan Ljouwerteradiel,
de siktaris,
G. DIJKSTRA L.S.
de boargemaster,
S. JANSMA L.B.
