-9-
Haadstik V
AKTYF FRYSK TAALGEBRUK
51 Ynlieding
Wol de gemeente wat oan it taalbelied dwaan, dan kin sy der net om
hinne en skriuw mear Frysk. Der is lykwols al oanjun, dat de
skriuwfeardigens en de behearsking fan it Frysk oer it generaal
breklik is.
Oars as by de measte gemeentlike beliedsgebieten, freget it
taalbelied net om in stikmannich aparte spesjalisten, mar just om
mear minsken dy't njonken har eigen spesjalisaasje Frysk skriuwe
kinne. Oan dy betingst kin de gemeente net samar foldwaan. Mei dy
eftergrun is yn it neifolgjende oanjun yn hokker gefallen it aktyf
Frysk taalgebruk op priemmen setten wurde kin.
5.2 Advertinsjes
Advertinsjes betsjutte in presintaasje fan it belied nei buten ta.
It is in goede saak dat dy advertinsjes safolle mooglik yn it
Frysk ferskine. Der binne lykwols in stikmannich beheinings, dy't
it bruken fan it Nederlansk billikje kinne.
Alderearst is doelstelling 4.5 keazen foar it utgongspunt, dat
publikaasjes en oare stikken mei in juridyske betsjutting, dy't
mei rjochtsbeskerming te meitsjen ha, yn it Frysk steld wurde mei
in Nederlanske oersetting.
Gearfetsjend komt ien en oar op it folgjende del.
Personielsadvertinsjes (sawol foar gemeente- as foar underwizend
personiel) wurde as regel yn 't Frysk opnommen. Advertinsjes mei
in juridyske betsjutting, dy't te meitsjen ha mei de
rjochtsbeskerming, wurde yn it Frysk steld (bygelyks op it med fan
de romtlike oardering en de miljeuwetjouwing) as ridlikerwize
oannommen wurde kin dat der gjin ferlet bestiet oan in Nederlanske
oersetting
53 Yntern skriftlik ferkear
Om stal te jaan oan doelstelling 3.4 dat it Frysk yn de hiele
gemeentlike organisaasje yntegrearre wurdt, sil it personiel
oantrune wurde moatte om mear Frysk te skriuwen.
Benammen it ynterne skriftlike ferkear jout derta goede
mooglikheden
It linich bruken fan it Frysk is ek in kwestje fan oefening en
underfining en dy kinne yn it ynterne ferkear moai opdien wurde.
Foaral yn it earstoan sil dat wol wat skriuwflaters opsmite, mar
soks moat lije kinne.
Troch op sa'n foet utein te setten, sil it stadichoan grif better
wurde
Om ien en oar wat dudliker oan te jaan, wurde hjirnei in tal saken
oangeande it ynterne skriftlike ferkear taljochte.