f
-14-
Haadstik VII
PERSONIELSBELIED
7 1 YnliedLing
Krekt as de measte ynwenners kinne de measte bestjoerders en
amtners wol Frysk leze, mar is de skriuwfeardigens fan dy taal oer
it generaal breklik.
Der komt by dat der yn amtlike stikken gauris technyske-juridyske
faktermen brukt wurde moatte en dat betsjut, dat it bruken fan it
Frysk yn dy stikken ekstra swierrichheden jout.
It komt der op del, dat it taalbelied swier te rissen weze sil, as
de betuftens yn it skriuwen fan Frysktalige teksten net ferbettere
wurdt
In betingst om der in feroaring yn te bringen is in passend
personielsbelied.
72 Kursussen
In goede mooglikheid om it Frysk skriuwen te learen, is it
meidwaan oan in kursus Frysk.
Kursisten kinne derfoar telane by de A.F.U.K foar de oplieding fan
it diploma Fryslan-A, Fryslan-B, Frysk foar net Frysktaligen en de
AFUK-akte
Foar amtners dy't it Frysk al wat yn 'e macht hawwe, is der ek de
mooglikheid fan it folgjen fan de oplieding "Frysk yn it offisjele
ferkear" I en II.
Benammen de leste oplieding is tige oan te rikkemandearjen om't dy
rjochte is op it amtlik taalgebruk.
It seit himsels dat it meidwaan oan soksoarte kursussen in goede
saak is en it personiel derta oantrune wurde moat.
7.3 Fergoeding foar kursussen en diploma's
Om't it meidwaan oan kursussen en it heljen fan it diploma Frysk
in wichtige saak is, heart soks troch it gemeentebestjoer
oantreklik makke wurde.
It earste middel derta is it folslein fergoedzjen fan de kosten
fan boppeneamde kursussen. De studzjekostenregeling sil derom net
fan tapassing weze op kursussen Frysk, om't dy regeling utgiet fan
in 75%-fergoeding
In twadde middel is it jaan fan in taslach foar it heljen fan in
diploma. Op dit stuit krije meiwurkers dy't sa'n kursus folge
hawwe elk jier in taslach op it lean. Wy stelle ut in taslach op
it heljen fan in diploma Frysk yn ien kear te jaan en de besteande
regeling ferfalle te litten. Foar dyjingen dy't krekt in kursus
folge hawwe kin in oergongsregeling betocht wurde op grun fan;
taslach (ienris) - de al krigen fergoedingen
Amtners, dy't in diploma helje of helle hawwe, hawwe dat dien op
kosten fan en yn it belang fan de gemeente. Har ferantwurdlikens
is fan deselde oarder as dy fan de amtners, dy't de mear
tradisjonele fakkursussen folge hawwe. Dy lesten sette har kunde
en feardigens, ek krigen troch it meidwaan oan kursussen mei help
fan de gemeente, foar de baas yn
Fan dyjingen, dy't it diploma Frysk helje en ek fan dyjingen, dy't
gjin diploma hawwe, mar wol aardich mei it Frysk rede kinne, mei
derom yn prinsipe de selde ynset frege wurde.
