GEMEENTE
LEEUWARDERADEEL
9
Agindapunt: 9.
Utstelnumer: 97/76
Stiens, 17 juny 1997
Underwerp:
bestjoerlik kreftbondeljen
iepenbier basisunderwiis
Oan
de gemeenteried
Neffens it hjoeddeistich kabinet is de middele bestjoerlike skaal yn it primer
underwiis te lyts om op ferantwurde wize personielsbelied, materieel belied en belied
oer organisaasje en management fiere te kinnen.
It kabinet hat derom de "Stimuleringsregeling bestuurlijke krachtenbundeling primair
onderwijs" yn it libben roppen. Dy regeling foarsjocht yn in jierlikse bydrage fan
150.000,-- foar maksimaal 5 jier foar skoalbestjoeren dy 't fusearje sille of in
gearwurkingsferban foarmje sille.
Gearwurkingsferbannen moatte underling binende ofspraken meitsje op it gebiet fan
personielsbelied en materieel belied om foar subsydzje yn oanmerking te kommen.
Fierder halde de dielnimmende bestjoeren harren selsstannigens.
De algemiene ferwachting is dat it kabinet nei ekspiraasje fan de stimulearringsbydra-
geregeling yn 2002 oergean sil ta fierder fergrutsjen fan de autonomy fan skoal
bestjoeren. Dertroch sille de bestjoeren mei gruttere risiko's konfrontearre wurde. Om
dy risiko's ferantwurde yn 'e mjitte te sjen moat in skoalbestjoer of gearwurkings
ferban neffens it kabinet op syn minst 2000 learlingen, 80 formaasjeplakken of 10
skoallen omfiemje.
De iepenbiere basisskoallen yn Menameradiel, it Bildt, Ljouwerteradiel en Ferwerte-
radiel foldogge oan dy kriteria. Derom stelle wy jimme rie ut mei dy gemeenten in
gearwurkingsoerienkomst oan te gean. In konsept-oerienkomst fine jimme bygeand.
Oer de tekst fan de oerienkomst is oerienstimming berikt mei de oare kolleezjes, de
bestjoerskommisjes foar iepenbier underwiis, de mienskiplike meisizzenskipsrieden,
en de funksjonele riedskommisjes.
Boargemaster en wethalders fan Ljouwerteradiel,
de siktaris,
de boargemaster,
J.J. KINGMA
MR. C. BIJL
