GEMEENTE
LEEUWARDERADEEL
BELIED SNOTYSJE STANPLAKFERGUNNINGEN
1. Ynlieding
By it feststellen fan de "Algemene Plaatselijke Verordening" (APV) yn 1988 hat doedestiids
ek in utwurking plak han fan it stanplak- en sutelfergunningenbelied. Dat resultearre yn it
stellen fan in maksimum oan fergunningen foar stanplakken en suteljen dy't ferliend wurde
kinne, neier utwurke foar alle doarpen en spesifisearre nei produkt, it saneamde
maksimumstelsel.
In oantal jierren ferlyn is yn us gemeente in hiele nije APV feststeld neffens it VNG-model en
it niisneamde stelsel is der net yn meinommen. Dat is trouwens ek feraldere en sjoen de
untjouwings yn de jurisprudinsje oer stanplakken en planologyske untjouwings dy t der
yntusken west ha is it goed om der ris op 'e nij nei te sjen.
Koartsein giet it hjir om it oanwizen fan lokaasies foar stanplakken, de mooglike ynrjochting
derfan en it tarivestelsel foar stanplakken.
Ut it eachpunt fan it oansjen fan de gemeente, it foarkommen fan fersmoarging,
ferkearsunfeiligens en behald fan romtlike kwaliteit kin belied foar stanplakken in nuttich
ynstrumint weze. Der untstiet foar oanfregers ynsicht yn de lokale mooglikheden en foar de
reguliere hannel en de konsumint untstiet dudlikens wer t de gemeente stanplakken tastiet.
It ynnimmen fan stanplakken is net oeral en op alle tiden winsklik. De APV ken in limitative
opsomming fan wegeringsgrunen.
2. Stanplakken
2.1 Omskriuwing
Fan in stanplak is sprake wannear't in ambulante hanneler op ien of mear feste dagen syn
kream of ferkeapwein delset op in lokaasje dy't him troch it kolleezje fia in derfoar ferliende
fergunning tawiisd is. Yn de fergunning wurdt tagelyk oanjun hokker produkten ferkocht
wurde meie. In fergunning kin foar in langere perioade (bgl. in jier) ferliend wurde of kin oan
in seizoen bun wurde.
2.1.1 Juridysk kader
De basis foar it ferlienen fan stanplakfergunningen is de APV, artikel 5.2.3 en dat fait under it
haadstik "Andere onderwerpen betreffende de gemeente". Op grun fan dat artikel is der in
fergunning nedich fan it kolleezje. Gjin fergunning is nedich as it giet om it utstald hawwen
fan skreaune of drukte stikken weryn gedachten of gefoelens iepenbiere wurde yn it ramt fan
artikel 7 van de Grunwet (frijheid fan mieningsutering). Fierder falle stanplakken op in
wykmerk, merke, bradery, rommelmerk en fierder eveneminten buten dit rezjym.
2.1.2 Wegeringsgrunen
Artikel 5.2.3, lid 6 fan de APV jout in oantal wegeringsgrunen werop in fergunning foar in
stanplak wegere wurde kin.
a. Yn it belang fan de iepenbiere oarder.
De wegeringsgrun slut nau oan by de wegeringsgrun om oerlest te beheinen of foar te
kommen. Der is ek faak in relaasje mei de wegeringsgrun "belang ferkearsfrijheid of-
